စံး ၁၀၇း၆, လၢအဘၣ် တၢ်ကိၢ်တၢ်ဂီၤန့ၣ် ကိးထီၣ်ယွၤ လီၤ. အ၀ဲဒၣ် မၤပူၤမၤဖျဲးအီၤလၢ အတၢ်နးတၢ်ဖှီၣ်…
တၢ်ကလုၢ်ထူ တနံၤအံၤ ပမ့ၢ်ဖး ဃုာ်ဒီး အဆၢဖိ ၁ တုၤ ၃ န့ၣ်, ပကထံၣ်ဒီး သ့ၣ်ညါ ဘၣ်ယွၤ အဘျုးအဖှိၣ် ဒီး အတၢ်ဂ့ၤ တၢ်၀ါန့ၣ်လီၤ.
စံးထီၣ်ပြတၢၤ ယွၤတက့ၢ်. အဂ့ၢ်ဒ်အံၤ ဂ့ၤ၀ဲလီၤ. မ့ၢ်အဘျုး အဖှိၣ်အိၣ်၀ဲ လီၤထူလီၤယိာ် အဂ့ၢ် လီၤ. မ်ပှၤလၢ ယွၤပှ့ၤက့ၤအီၤ, ပှၤလၢ အပှ့ၤက့ၤ လၢဒုၣ်ဒါ အစုပူၤ ဒီး ဒုးအိၣ်ဖှိၣ်ရိဖှိၣ် အီၤလၢ ကီၢ်တဖၣ် လၢမုၢ်ထီၣ်ဒီး လၢမုၢ်နုာ်, လၢ ကလံၤစိး, ဒီးလၢ ကလံၤထံးန့ၣ် စံးဒ်န့ၣ် တက့ၢ်.
တၢ်ဃဲၤတခါ အံၤ ပာ်ဖျါထီၣ်၀ဲလၢ ယွၤမၤပူၤဖျဲး ပှၤတဂၤလၢ အအိၣ်လၢ တၢ်လီၤပျံၤ အပူၤလၢ ပှၤတသ့ၣ်ညါ စၢၤအီၤ နီတဂၤဘၣ် န့ၣ်လီၤ. ယွၤအဖိတဂၤ အံၤ အိၣ်၀ဲလၢ ကလံၤစိး ကီးအလးစခၣ် လီၤ. မ့ၢ် လၢ ထံလီၤသကၤဒီး မူခိၣ်ဖီ လီၤအါ မးအဃိ တၢ်လဲၤတၢ်က့ၤ လၢတၢ်ဂိၢ်ခါ ပှဲၤ၀ဲဒီး တၢ်ဘၣ်ယိၣ် ဘၣ်ဘီလီၤ. ပှၤလဲၤတၢ်လၢ အမံၤလာ် ဒီးအမံၤလာ် တဖၣ် တထံၣ် ပှၤကညီဒီး ပှၤဟံၣ်ပှၤဃီ ဘၣ်. ပှၤတဂၤအံၤ မ့ၢ်၀ဲ ကၠါဘံး (Jarvis) လဲၤတၢ် ဒိး၀ဲ ထွံၣ်အလ့ၣ်ဖိ ထဲတဂၤဧိၤ လီၤ. အတံၤသကိး ြတီအီၤတန့ၢ်ဘၣ်.
အခီၣ်ထံး တနံၤ ထံၣ်၀ဲဒၣ်လၢ ကျဲကိးဘိဒဲး ဘၣ်တၢ်ကး ဘၢအီၤ လၢ မူခိၣ်ဖီ လီၤ. ထံကျိ ကိးဘိ ဒဲးလီၤတကၤ၀ဲ ဒီးလံၤမုၢ် လၢကလံၤစိး တခီ အူတၢ်န့ၣ် လီၤ. လၢတၢ်ဘၣ် တံာ်တာ် ဒ်အံၤအဃိ လဲၤတၢ် တဖျိး၀ဲ ယံၤယံၤဒ် အတိာ်ပာ် ၀ဲအသိးဘၣ်. သ့ၣ်ညါ၀ဲလၢ မ့ၢ်တထံၣ်န့ၢ် တၢ်အိၣ်ဘှံး အလီၢ်လၢ အချ့ဘၣ်ဒီး, အ၀ဲမ့ၢ်ဂ့ၤ, အထွံၣ်မ့ၢ်ဂ့ၤ ကလီၤတကၤ သံ၀ဲလီၤ. ထွံၣ်တဖၣ် လီၤဘှံး၀ဲ လၢ အတွံၢ်ဘၣ်လ့ၣ်လၢ မူခိၣ်ဖီလၢ အလီၤ တကၤ၀ဲ အဖီခိၣ်လီၤ. တုၤ၀ဲလၢ ထံကျိဖးဒိၣ်တဘိ လၢအလီၤတကၤ၀ဲ တီၣ်တီၣ်ကလဲၤဒီး ကလံၤမုၢ် လၢ အခုၣ်၀ဲဒိၣ်မး အူတၢ်ဆူၣ်ဆူၣ် လီၤ. ကၠါဘံး ကျၢၢ်ဘၢ အမိၢ်ပှၢ်လၢ အဆ့ကၤဖီခိၣ်ဒီး အထွံၣ်တဖၣ် ကၢၤဖှိၣ် အသးလၢ အကပၤလၢ ကမၤန့ၢ် အသ၀ံ လၢကမၤလၢၤထီၣ် အ၀ဲသ့ၣ် န့ၣ်လီၤ. သ့ၣ်ညါ၀ဲလၢ အလီၢ်မၢ် လံလီၤ.
တသ့ၣ်ညါ၀ဲလၢ ပှၤအဲးစကံမိၣ် အသ၀ီလၢ အဘူးကတၢၢ် တဖျၢၣ် အိၣ်ဒၣ်ထဲ စှၤမံၤလာ် လၢအမဲာ်ညါ န့ၣ်ဘၣ်. ဘၣ်ဆၣ် ယွၤသ့ၣ်ညါ ၀ဲလၢ သ၀ီပူၤန့ၣ် သရၣ်သိၣ်လိ တၢ်အိၣ်၀ဲ တဂၤလၢ အမ့ၢ် ယွၤ အဖိလၢ အဘါထုကဖၣ်တၢ်ဒီး မ့ၢ်ပှၤလၢ အသ့ၣ်ညါ ယွၤအကလုၢ်ဖဲ အကတိၤတၢ် န့ၣ်လီၤ. တဟါန့ၣ် ဖဲ ထီမ် (သရၣ်အံၤအမံၤ) ကတဲာ်ကတီၤအသး လၢ အကမၤလိ လံာ်စီဆှံ ဒီးပှၤလၢ အမၤစၢၤ အီၤအ ခါန့ၣ် အ၀ဲနၢ်ဟူ ၀ဲတၢ်ကလုၢ်လၢ အတဲအီၤ, “ထိၣ်လီၤစဲၤ နမ့ၣ်အူဒၢ လၢနြတဲၤ အဖီခိၣ် ဆူထံကျိ တခီတက့ၢ်.” ထိၣ်လီၤစဲၤ၀ဲ တဘျီဃီ လီၤ.
ယွၤဒုးဃၣ် ကၠါဘံး အခိၣ်ဒီး ကွၢ်တၢ်ခီဖျိ ထံကျိ ဒီးထံၣ်၀ဲ တၢ်ကပီၤ န့ၣ်လီၤ. လီၢ်ခံ ၂ နၣ်ရံၣ် ဒီး လဲၤတုၤ လၢသရၣ် ထီမ် အဟံၣ် ဒီး အသးသမူ ပူၤဖျဲး၀ဲလီၤ.
