မၢ်ကူး ၅း၁၅, က့ၤက့ၤဆူနဟံၣ်, ဆူနတံၤသကိး, ဒီးဖဲဒၣ် ကစၢ်မၤနၤဒီး သးကညီၤနၤန့ၣ်, စံးဘၣ်တဲဘၣ် အ၀ဲ သ့ၣ်တက့ၢ်.စီၤမၢ်ကူး ကွဲးတဲဘၣ် ပှၤလၢ ခရံာ်မၤဘျါက့ၤ ပှၤလၢ တၢ်နါလ့းကူၣ် အိၣ်လၢ အလိၤဒီး ပှၤအံၤ ဃ့ကညး ခရံာ်လၢ အကအိၣ်ဒီး အီၤလီၤ. ခရံာ် အတၢ်စံးဆၢ မ့ၢ်၀ဲ တနံၤအံၤ အတၢ်ကလုၢ်ထူ လီၤ. ဒ်ခရံာ် မၤလိာ် အီၤအသိး “ဒီးက့ၤ၀ဲ, ဒီးဖဲဒၣ် ယ့ၣ်ရှူး မၤအီၤတဖၣ်န့ၣ် စံးဘၣ် တဲဘၣ်၀ဲလၢ ဒ့းကၤပလံၣ် အပူၤ, ဒီး ပှၤခဲလၢာ် ကမၢကမၣ် ၀ဲလီၤ.” (မၢ် ၅း၂၀)
ပှၤအဲးသံအီးပး ပိာ်ခွါဖိတဂၤ အမံၤ ကၠ့ရိၣ် (Jairo) လဲၤဃ့ အိၣ်ကၠိလၢ မံးရှၢၣ်အကၠိ တဖျၢၣ်ဒီး ပှၤပၢၤကၠိ တဲအီၤ, “ပတူၢ်လိာ်နၤ တသ့ဘၣ်. ဒၢးကလီတအိၣ် ဘၣ်.” တဲဆၢ၀ဲ, “ယတလိၣ် ဒၢးယတလိၣ် ကတဲာ် ဒၣ်လဲာ်ဘၣ်. ၀ံသးစူၤ ပျဲမံနီၤ ယၤလၢ သ့ၣ်ဘၣ်ခိၣ်လၢ ကတဲၣ် အဂၤခံဖျၢၣ် အကဆူးတက့ၢ်.” လၢ ခံ ကတၢၢ် ပှၤပၢၤကၠိ ဟ့ၣ်အီၤ အခွဲးလၢ ကအိၣ်ဘၣ်ကၠိ, ဘၣ်ဆၣ် ကဘၣ်ဃုဒၣ်၀ဲ အတၢ်အီၣ် ဒီး အလီၢ်မံ ဒၣ်၀ဲ န့ၣ်လီၤ. အစ့တအိၣ်ဘၣ်. လဲၤအိၣ်၀ဲဒီး ကၠိဖိတနီၤ အသိးလၢ ဆီဂၢၤ လီၢ်လံၤ တဖျၢၣ်အပူၤ ဒီး တူၢ်ဖှီၣ်တူၢ်ယာ် အသး နးနး ကလဲာ်ဒီး အိၣ်ကၠိ ထီၣ်ဘး၀ဲ ခံနံၣ်လီၤ. တူၢ်နးအသး အဃိ ဆါထီၣ်၀ဲဒီး ဘၣ်က့ၤက့ၤ ၀ဲဆူ အဟံၣ် လီၤ.
တၢ်ဘၢၣ်စၢၤ အိၣ်တဘျုး နံၣ်ညါလၢ ပှၤတနၢ်ဟူ ကၠ့ရိၣ် အဂ့ၢ်ဘၣ်. အိၣ်၀ဲဒ် လဲၣ်, မၤ၀ဲဒ်လဲၣ် ဖဲ မံးရှၢၣ်အကၠိ ပှၤတသ့ၣ်ညါနီတဂၤဘၣ်. ဘၣ်ဆၣ် တနံၤ တခီၣ်, တၢ်ပရၢတုၤအိၣ် ပှၤပၢၤကၠိ လၢ အကပျၢ်လီၤ သရၣ် ပာ်စုလၢ အကလဲၤဘျၢ ပှၤစူၢ်က့ၤနာ်က့ၤ သီတၢ် ၁၂ ဂၤ အဂီၢ်လီၤ. ပှၤတဖၣ်အံၤ ဒိးဘျၢထံ၀ံၤ တဲဘၣ် သရၣ်ပာ်စု, “ဆှၢ နပှၤမၤတၢ်ဖိတဖၣ် ဆူ တၢ်လီၢ်အဂၤ တဖၣ်လၢ အတနၢ်ဟူ ဘၣ်ဒံး တၢ်သးခုကစီၣ် တက့ၢ်. ဖဲ အံၤ ပဆၢထၢၣ်ဒၣ်၀ဲ ပတၢ်သ့လီၤ. လီၢ်ခံ တနံၣ် သရၣ်ဟဲဘျၢပှၤထံ ၃၆ ဂၤ ဒီး လီၢ်ခံကဒီး တနံၣ် ဘျၢပှၤထံ အဂၤ ၆၀ လီၤ. လၢသၢနံၣ် အတီၢ်ပူၤ ပှၤဘျၢ ပှၤသးလၢထံ တကယၤ အဘျဲၣ်လီၤ.
ကၠ့ရိၣ် မၤခရံာ် အတၢ်မၤဂ့ၤမး လီၤ. မၤလိ လံာ်ထဲခံနံၣ်, အတီၤဒၣ်လဲာ် တအိၣ်ဘၣ်. ဒ်ပှၤလၢ တၢ်နါလ့းကူၣ် အိၣ်လၢအလိၤ ဒီး ခရ့ာ်မၤဘျါက့ၤအီၤ တဂၤ က့ၤတဲခရံာ် အဂ့ၢ်လၢ အသ၀ရီ ဒၣ်၀ဲ အသိး, ကၠ့ရိၣ် က့ၤတဲခရံာ် အဂ့ၢ်လၢ အသ၀ီဒၣ်၀ဲ ဒီး ပှၤလၢ အကယၤ ကဲထီၣ်၀ဲ ခရံာ်အပျဲၢ်လီၤ.
တၢ်လိၣ်ကတၢၢ် မ့ၢ်၀ဲ အပျဲၢ်တဖၣ် ကဘၣ်တဲတၢ် ဆူညါ ဆူညါလီၤ. တၢ်မဲထီၣ်, ဖီထီၣ်, ဒီးသၣ်ထီၣ် အိၣ်လၢခရံာ် အစုပူၤ လၢ အကဒုးအါ ထီၣ်၀ဲန့ၣ်လီၤ.
