စံး ၁၁၂း၁၉, မၤလီၤြပံလီၤြပါတၢ်, ဟ့ၣ်နီၤတၢ်လၢ ပှၤဖှီၣ်ဖိ ယာ်ဖိလီၤ. အတၢ်တီ တၢ်လိၤ အိၣ်ဂၢၢ် ဆိးကျၢၤ လီၤထူ လီၤယိာ်လီၤ.သရၣ်တဂၤ ဒီးအပျဲၢ် တဂၤ ဟးလိာ်ကွဲ လၢကျဲခိၣ်အခါ ထံၣ်၀ဲ ခီၣ်ဖံး လီၢ်လံၤ တဆိ အိၣ်၀ဲလၢ အလဲၤတၢ် အကျဲလီၤ. အပျဲၢ်တဂၤ ဟ့ၣ်ကူၣ်၀ဲလၢ အကပာ်ခူသူၣ် ခီၣ်ဖံးန့ၣ်ဒီး ခိးကွၢ်ခူသူၣ် လၢတၢ်ကပၤ တုၤလၢ ခီၣ်ဖံးကစၢ်န့ၣ် ဟဲက့ၤဒီး ကလူၤ ဃုက့ၤ အခီၣ်ဖံး ဒီး ကတဲတၢ်ဒ်လဲၣ်, ကမၤ၀ဲ ဒ်လဲၣ်န့ၣ်လီၤ. သရၣ် တခီ တဲ၀ဲ, ခီၣ်ဖံး ကစၢ်အံၤ ကမ့ၢ် ပှၤလၢ အဖှီၣ်လီၤ. ပမ့ၢ် ဂဲၤလိာ်ကွဲ ဒ်အံၤ တခီ ကမ့ၢ် တၢ်လီၤကမၢ ကမၣ် ဒီး တၢ်သးခုလၢ အ၀ဲအဂီၢ်လီၤ. သရၣ်သံကွၢ်အီၤ နစ့ အိၣ်ဧါ. ဂ့ၤလံ, မ့မ့ၢ်ဒ်န့ၣ်ဒီး လၢခီၣ်ဖံး တခီ စုာ်စုာ် အပူၤန့ၣ် ဖၢနုာ်လီၤစ့ တဒီလၣ် ၀ံၤဒီး ပာ်က့ၤ ခီၣ်ဖံး လၢအလီၢ်ဒၣ်၀ဲ တက့ၢ်. ၀ံၤဒီး အ၀ဲသ့ၣ် အိၣ်ခူသူၣ် လၢတၢ်ကပၤ လီၤ.
တုၤပှၤထူစံာ် ဖိတဂၤ ဟဲက့ၤဒီး က့ၤကွၢ်က့ၤ အဆ့ကၤ ဖီခိၣ်လၢ အဘျးထီၣ် ၀ဲလၢ ကျဲကပၤ ဒီး အခီၣ်ဖံး န့ၣ်လီၤ. အ၀ဲဒိးထီၣ်ကွၢ် အခီၣ်ဖံး တခီဒီး တၢ်ဘၣ် အခီၣ်ခုၣ်ခုၣ် တခါအဃိ ဘ့ၣ်လီၤကွၢ်၀ဲဒီး ထံၣ်၀ဲ လၢ စ့တဒီလၣ် လီၤ. ဒိးထီၣ်ကဒီး၀ဲ လၢဘးခီ တကပၤဒီး တၢ်ဘၣ် အခီၣ်ညါသး ခုၣ်ကဒီး လီၤ. ဘ့ၣ်လီၤကွၢ် အခီၣ်ဖံးဒီး ထံၣ်ကဒီး ၀ဲ စ့တဒီလၣ် တဘ့ၣ်လီၤ. မ့မ့ၢ် သရၣ်ဒီး အပျဲၢ် ခံဂၤ တခီ ခိးကွၢ် ခူသူၣ်၀ဲ လီၤ. ပှၤတဂၤ အံၤ အမဲာ်ထံ လီၤ၀ဲဒီး ကွၢ်ထီၣ် တၢ်လၢ မူခိၣ် ဒီး စံးထီၣ်ပြတၢၤ ဒီး စံးဘျုးစံးဖှိၣ် ယွၤလီၤ. တဘျီအံၤ ယပှ့ၤ ကိၣ်, တၢ်နုၢ်ထံဒီး အၣ်လူ လၢယဖိယမါ အဂီၢ်န့ၢ်လံ. ကစၢ်ယွၤဧၢ, မၤဘျုးဘၣ် ပှၤလၢ ယတသ့ၣ်ညါအီၤ ဘၣ် သနာ်က့ ဟ့ၣ်ယၤ တၢ်န့ၣ် တက့ၢ်.
တုၤသရၣ်ဒီး အပျဲၢ် က့ၤကဒါက့ၤဆူ ဟံၣ်န့ၣ်, အပျဲၢ်စံး၀ဲ “သရၣ်ဧၢ, နသိၣ်လိယၤ လုၢ်လၢ်လၢ အဂ့ၤအံၤ ယကကျဲးစၢး သ့ၣ်နီၣ်အီၤ ထီဘိလီၤ.” တၢ်လၢ ပကမၤလိအီၤ မ့ၢ်၀ဲ, “နမ့ၢ်အဲၣ်ဒိး တၢ်သးမုာ်, တၢ်သးဖှံ ဒီး ကျဲးစၢး ဟ့ၣ်တၢ်အဲၣ် အတၢ်ဟ့ၣ်ဖိတဖၣ်, ဟ့ၣ်ခူသူၣ်အီၤ, ဒ်သိး ပှၤလၢအန့ၢ် ဘၣ် တၢ်တဂၤ သုတသ့ၣ်ညါ ပှၤလၢ အဟ့ၣ်တၢ် တဂၤန့ၣ် တက့ၢ်. နတသးအုး ဘၣ်လၢ အဃိ နီတဘျီ ဘၣ်.” ဖျးန့ၢ် မုၣ်ကမဲ, ပှၤလၢ အစုတဂ့ၤ ခီၣ်တဂ့ၤ အသ့ၣ်မုၢ်, ပာ်နုာ်ကိၣ်လၢ မုၣ်ကမဲ လၢအအိၣ်ထဲတဂၤဧိၤ အဒၢးပူၤ, ဟ့ၣ်ကိၣ်ဖိ, တၢ်အီၣ်တၢ်အီဖိလၢ ဖိသၣ်ကၠိဖိလၢ အဆါဟးတသ့ ဘၣ်ဒီး တထီၣ်ဘၣ်ကၠိ တဘျုးလါလံ တဂၤ အဂီၢ်, ဒီး တၢ်လိာ်ကွဲယုၤ ဖိသၣ်တဖၣ် လၢခရံာ်အိၣ်ဖျဲၣ် ဒီးနံၣ်ဆဲးဆၢ အဆၢကတီၢ် ဒီး အဂၤ တဖၣ် တက့ၢ်.
