စံး ၂၅း၂၀, အံးလီၤကွၢ်လီၤ ယသးဒီး မၤပူၤမၤဖျဲးယၤ တက့ၢ်. မ်ယသု တမဲာ်ဆှးတဂ့ၤ. အဂ့ၢ်ဒ်အံၤ, ယသန့ၤ ယသးလၢ နၤလီၤ.ပှၤမူဧၢၢ်ဖိလၢ ကီၢ်ဖိ မီၢ်ရီးခိၣ် (အၤြဖၤကၤ) တဂၤ အိၣ်၀ဲဒီး ပှၤ၀ါဖံး ဖိသးပှၢ် လၢ ကီၢ်ယူရပၤ တဂၤလီၤ. တချုးလၢ တၢ်ပူထီၣ် အိၣ်ဒံး၀ဲ ဘၣ်န့ၣ်, ပှၤအဲကလံး ကၤတၢ်ဖိတဂၤလၢ အအိၣ်ဒီး တၢ်ဆါတၢ်ပှ့ၤ အလီၢ်တဖျၢၣ်လၢ ၀့ၢ်လၢ ပီၣ်လဲၣ်ကၢၢ်ခိၣ် တဖျၢၣ်န့ၣ်, တသ့ၣ်ညါဆိလၢ တၢ်ကမၤအသး ဘၣ်ဒီး မၢ၀ဲ အဖိခွါ တဆံ လွံၢ်နံၣ် တဂၤလၢ ကလဲၤဒိး ကသ့ၣ်ဆူ ပှၤမူဧၢၢ်ဖိ ထူစံာ် တဂၤအအိၣ် ဒီး ကလဲၤဃ့ပှ့ၤ၀ဲ ပှၤထူစံာ်ဖိ န့ၣ် အဘုကၠူၣ် လီၤ. ပိာ်ခွါဖိအံၤ လဲၤထံၣ်လိာ် အသးဒီး ပှၤမူဧၢၢ်ဖိန့ၣ်, ဒီး ဃ့ပှ့ၤ၀ဲ အဘုကၠူၣ်ဒီး အၢၣ်လီၤ၀ဲလၢ အကလဲၤဆှၢ ဘုကၠူၣ်လၢ ပိာ်ခွါဖိအံၤ အပၢ် အတၢ်ဆါတၢ်ပှ့ၤအလီၢ် လၢအအိၣ်လၢ ပီၣ်လဲၣ်ကၢၢ်ခိၣ် န့ၣ်လီၤ. ပိာ်ခွါဖိအံၤ ဟဲက့ၤဒိး ကသ့ၣ်ဆူ ဟံၣ်န့ၣ်လီၤ. လၢကျဲန့ၣ် ပှၤဟဲဒိး ကသ့ၣ်လၢ အလီၢ်ခံတဖု, စိာ်ဒီး ကျိတဖၣ် လီၤ. မ့ၢ်၀ဲ ပှၤမူဧၢၢ် ဖိလီၤ. အ၀ဲသ့ၣ် အဲၣ်ဒိး ဟီထီၣ်ကွံာ် ပှၤ၀ါဖံးဖိ လၢ အကီၢ်ပူၤ လီၤ. အ၀ဲသ့ၣ်ဖီၣ် ပှၤပိာ်ခွါ ဖိအံၤ, မၤတပျုာ် တပျီၤအီၤ ဒီး ပာ်အမဲာ် ဟ့ယုၢ် ကလာ်လီၤ. အ၀ဲသ့ၣ် ဆှၢအီၤဆူ သ၀ီတဖျၢၣ် ကိး၀ဲလၢ စၣ်လးစ်ခၣ် ဒီး အိၣ်၀ဲဖဲန့ၣ် ဒီး ခိး၀ဲ အပှၤခိၣ်လၢ ကဟဲဟ့ၣ် လီၤအကလုၢ်လၢ တၢ်ကစံၣ်ညီၣ် ပိာ်ခွါဖိအံၤ အဂီၢ် န့ၣ်လီၤ. အ၀ဲသ့ၣ် စၢဃာ်၀ဲ ပိာ်ခွါဖိ အံၤအစုအခီၣ်ဒီး ပာ်အီၤလၢ ဖုဒါခိၣ်ဒီး ကးတံာ်ဃာ် ဒၢးဖိ အြတဲၤ န့ၣ်လီၤ. ပိာ်ခွါဖိအံၤ ဒုၣ်ဒါ ကမၤအီၤဒ်လဲၣ် န့ၣ် တသ့ၣ်ညါ၀ဲဘၣ်. အ၀ဲကျဲးစၢး ဃ့ၣ်လီၤကွံာ်ပျံၤလၢ တၢ်စၢဃာ် အစုန့ၣ် တုၤလၢ အလီၤဘ့ၣ်ကွံာ်၀ဲဒီး ဃ့ၣ်လီၤကွံာ်အခီၣ် လီၤ.
တစိၢ်ဖိဒီး အ၀ဲနၢ်ဟူ ပှၤကတိၤတၢ် အကလုၢ် သီၣ်လၢ ကျဲခိၣ်လၢ အတမ့ၢ် အ၀ဲ အတံၤသကိး တဖၣ် အကလုၢ်ဘၣ် န့ၣ်လီၤ. အ၀ဲသ့ၣ်ညါလၢ တၢ်ကီတၢ်ခဲ အိၣ် လၢအဂီၢ် လံ ဒီး ဘါထုကဖၣ် တၢ်ဒီး ကွၢ်ထီၣ်တၢ်ဆူ မူခိၣ် န့ၣ်လီၤ. အ၀ဲ ထံၣ်ထိၣ်တဘ့ၣ် ယူၤတရံး လၢတၢ်ဖးဖီ ယၢ်ခီယၢ်ခီ လီၤ. ဆိကမိၣ် ထီၣ်၀ဲလၢ အသးပူၤ, ထိၣ်တဘ့ၣ်အံၤ ဘၣ်သ့ၣ်သ့ၣ် ကမ့ၢ် အထိၣ်ကးက့ၣ် ဖိလၢ အ၀ဲ သိၣ်လိပာ်၀ဲလၢ ကဆှၢတၢ်ကစီၣ် န့ၣ်ဧါ. အ၀ဲ ပၢနုာ် အစုမုၢ်ခံဘိ လၢအကိာ်ပူၤ ဒီးအူသီၣ် ထီၣ်၀ဲ ဒိၣ်ဒိၣ် န့ၣ်လီၤ. ထိၣ်အံၤ မ့ၢ်စဲဃဲၤ အထိၣ်ကးက့ၣ် န့ၣ်လီၤ. ဟဲစီၢ်လီၤလၢ အပဲြတီ ခီၣ်ထံး ဒီးအ၀ဲဖီၣ်အီၤ ဒီး ပာ်အီၤလၢ အသကိး လီၤ. အ၀ဲကွဲးလီၤ တၢ်ကစီၣ်လၢ စးခိ ပူၤ, “ယဘၣ်တၢ်ဒုးဃာ်ယၤလၢ ပှၤမူဧၢၢ် ဖိတဖၣ်လၢ ဒၢးအကတၢၢ်တဖျၢၣ်လၢ စုထွဲတကပၤလၢ စၣ်လးစ်ခၣ် အကျဲ လၢ တၢ်မဲာ်ညါတဘိ လီၤ.တဲဘၣ်ပၢ်လၢ အကဟဲ တဘျီဃီ တက့ၢ်.” အ၀ဲစၢဃာ် တၢ်ပရၢ ဖိလၢ ထိၣ်ကး က့ၣ် အခီၣ်ဃံးဃံး လၢပျံၤဖိ တဘိဒီး ပျၢ်လီၤကွံာ် အထိၣ် န့ၣ်လီၤ.
အ၀ဲမံနီၤ ၀ဲလၢ ဖုဒါခိၣ် ဖးယံာ်လီၤ. လၢတၢ်ခံးကျါန့ၣ် နၢ်ဟူ၀ဲ ပှၤခိးတၢ်ဖိ စၣ်ဒလံၣ်လၢ ြတဲၤအမဲာ်ညါန့ၣ်လီၤ. နၢ်ဟူ၀ဲ ကသ့ၣ်ဃ့ၢ်သီၣ်, ပှၤခးကျိ ဒီးအပၢ်အကလုၢ် သီၣ်ထီၣ်၀ဲ, “ဟံၣ်အကတၢၢ် တဖျၢၣ်လၢ စုထွဲတကပၤ” န့ၣ်လီၤ. တယံာ်ဘၣ်ဒီး အ၀ဲဒိးထီၣ် ကသ့ၣ် ဃုာ်ဒီး အပၢ် ဒီး က့ၤဆူ ဟံၣ်န့ၣ်လီၤ.
တၢ်ကစီၣ် ဘၣ်တၢ်ဆှၢ အီၤလၢ ထိၣ်ကးက့ၣ် (ထိၣ်လွံၢ်ဘု) လၢအမ့ၢ် ၀ဲ ယွၤအကလူး အတၢ်သုး တၢ်ကျဲၤန့ၣ်လီၤ.
