ယိၤနါ ၂း၇, တုၤတၢ်လုၣ်ဘၢ ယသးဒီး ယသ့ၣ်နီၣ်ထီၣ်က့ၤ ယွၤလီၤ. ဒီး ယဘါထုကဖၣ် တၢ် ဟဲနုာ်လၢ နနူၢ် စီဆှံ အပူၤလီၤ.
တၢ်ဃဲၤလၢ တၢ်ဖီလာ် တဖၣ် သဃဲၤလိာ် အသးဒီး စီၤယိၤနါအညၣ်ဖးဒိၣ် လၢ အယူၢ်လီၤအီၤ လၢ အဖျါလၢ လံာ်စီဆှံ အပူၤန့ၣ်လီၤ.
တနံၤတခီၣ် ပှၤမၤညၣ်ဖိတဂၤဒီး အသကိး ခံဂၤ ဒိးထီၣ် ချံဖိ တဘ့ၣ်လၢ ကလဲၤဆဲး ညၣ်တီသွ့ လၢ ဘီ ကိး၀ဲလၢ ဟၣ်ပူ န့ၣ်လီၤ. သတူၢ်ကလာ် ထံၣ်၀ဲ ညၣ်ဖးဒိၣ် အသူ တဘ့ၣ် တယံၤဒီး အ၀ဲသ့ၣ် ဘၣ် န့ၣ်လီၤ. ညၣ်အံၤ အချၢလၢ အသူကြတ့ၣ် ဖျါထီၣ်လၢ ထံဖံးခိၣ်လီၤ. အူသဖှိထီၣ်ထံ ဖျိးထီၣ် ဖးထီဆူ ကလံၤကျါ န့ၣ်လီၤ. အ၀ဲ သ့ၣ်ဆဲးညၣ် ဖးဒိၣ်လၢ အဘီန့ၣ်လီၤ. ညၣ်ဘၣ်ဒိဆါ, ဘၣ်ဆၣ် တသံဘၣ်. ဒီးလၢ တၢ်သးဒိၣ် အပူၤ, ညၣ်အံၤ ပၤပှၤမၤ ညၣ်ဖိ အချံဖိလၢ အမဲၢ်ဒီး ခံဖိ တဘှံးလီၤကလဲ ၀ဲဒီး ဟါမၢ်လၢ ထံကျါ လီၤ. ပှၤမၤညၣ်ဖိ သၢဂၤ အံၤ, ဘၣ်ပီၢ်ထံ လီၤ. ခံဂၤ ဘၣ်တၢ်မၤ ထူၣ်ဖျဲးအီၤလၢ ကဘီလၢ အအိၣ်ဘူး၀ဲ တဘ့ၣ် လီၤ. ပှၤသၢဂၤ တဂၤ တဖျါထီၣ် ဘၣ်. ပှၤဆိကမိၣ် လၢ ဘၣ်သ့ၣ်သ့ၣ် ညၣ်ကအီၣ်ကွံာ် အီၤလံန့ၣ်လီၤ. အ၀ဲသ့ၣ် မၤန့ၢ် ချံလၢ အဒိၣ်ထီၣ်တဘ့ၣ် ဒီး လူၤ၀ဲညၣ်ဖးဒိၣ် အံၤလၢ အသွံၣ်ယွၤ တိၢ်ရဲၣ်၀ဲ လၢထံ ဖံးခိၣ် န့ၣ်လီၤ. ပှၤမၤညၣ်ဖိ အါထီၣ်ဒီး ဘီဟၣ်ပူ အါထီၣ်၀ဲ, ဒီးမၤန့ၢ် ညၣ်အံၤ လီၤ. အ၀ဲသ့ၣ် ဖှဲးသ့ၣ်ဖး ၀ဲ အဟၢဖၢ ဒီး ထံၣ် ပှၤလီၤမၢ် န့ၣ်လၢ အဟၢဖၢ ပူၤန့ၣ်လီၤ. စူၣ်လီၤအသး ဘျၢသလၢၤ ဂၢၢ်တပၢၢ် လီၤဂာ်ဒ် အမံအသိး လီၤ. စိာ်ထီၣ်သကိး၀ဲ ကယီကယီ ဒီးထံၣ်၀ဲလၢ အသါထီၣ် တစဲးတစဲး ဘၣ်ဆၣ် တသ့ၣ်ညါလီၤ အသးဘၣ်. အ၀ဲသ့ၣ် ဆှၢအီၤဆူ တၢ်ဆါဟံၣ်, ဖဲ တၢ်ပာ်အီၤလၢ လီၢ်မံလၢ အလၢၤ၀ဲ အဖီခိၣ် ဒီး တၢ်ကွၢ်အီၤ ဂ့ၤဂ့ၤ ဒီး လီၢ်ခံ အါနံၤအါသီ န့ၣ် အိၣ်ဆူၣ်အိၣ်ချ့ ထီၣ်က့ၤ၀ဲလီၤ.
အ၀ဲတဲလီၤ က့ၤအဂ့ၢ်ဒ်အံၤ, တုၤချံ ပိၢ်ဖးဒီး လီၤဘျၢ၀ဲန့ၣ်, သါထံၣ် တၢ်အခိၣ် ဒုးလၢ အလွဲၢ် ဂီၤ ဃဲး၀ဲ အိၣ်၀းတရံး အီၤလီၤ. ကမ့ၢ်၀ဲ ညၣ်အကိာ်ယူၢ် ဖးဒိၣ် န့ၣ်လီၤ. ၀ံၤဒီး တၢ်သံး ကနံးတံၢ်သါဃံးဃံး လီၤ. တၢ်ခံး၀ဲလၢ သါဂီၢ်လီၤ. သါတယၤထီၣ်ကွၢ် သါစုယၢ်ခီ ယၢ်ခီ န့ၣ် သါစုဘၣ်ဒီး ညၣ်လၢ အဆံးတဖၣ်န့ၣ်, ဒီးပလံၣ် ထီၣ်ကွံာ် အသးလၢ သါစုညါသးဒီး သါစုမုၢ် စုနၢ အကဆူးလီၤ. တၢ်အနး ကတၢၢ်လၢ သါဂီၢ်မ့ၢ်၀ဲ သါကသါ ဘၣ် နးနးကလဲာ် လီၤ. သါသ့ၣ်ညါလီၤက့ၤ သါသးန့ၣ် သါအိၣ်လၢ တၢ်ဆါဟံၣ်အပူၤဒီး သရၣ်မုၣ် ကွၢ်ပှၤဆါတဂၤ သကူးလီၤ အသးလၢ သါဖီခိၣ်လီၤ. သါသးခုလၢ သါအိၣ်မူဒံး လီၤ.
