ကတိၤဒိ ၁၂း၁၈, ပှၤလၢ အကတိၤဖဲ အခိၣ်စၢၢ်ဆၢ ဒ်နးဧိၤ ဘီဧိၤ ဆဲးတၢ်အသိး န့ၣ် အိၣ်၀ဲလီၤ. မ့မ့ၢ် ပှၤကူၣ် တၢ်သ့အပျ့ၤ န့ၣ် မၤဘျါက့ၤတၢ်လီၤ.မၢၤစတိနၢၣ် ဆၢထၢၣ် ကတိၤတၢ်လၢ အြတဲၤခီၣ်ထံး ဒီးအသကိး မုၣ်ပှၢ်လၢ တၢ်ကပၤ တဂၤ န့ၣ်လီၤ. ပိာ်ခွါဖိ ဖၢရ့ၣ်လၢ အကလဲၤဆူ ကၠိတဂၤ အိၣ်ဘူး ဒီးအ၀ဲ သ့ၣ်ခံဂၤ ကတိၤတၢ် ဒီးနၢ်ဟူ ၀ဲ, “ဘၣ်မနုၤ အဃိ ဃ့ၢ်ကွံာ်၀ဲန့ၣ် ယနၢ်တပၢၢ် ကီးဘၣ်. ယဒုးအီၣ်အီၤ တၢ်အီၣ်ဒီး ယကွၢ်အီၤ ဂ့ၤမး လီၤ.” အသကိးမုၣ် သံ ကွၢ်အီၤ, “နကိးပလံးလံဧါ.” ဖၢရ့ၣ် နၢ်ဟူအါထီၣ် တၢ်အံၤဒီး ဒွး၀ဲလၢ ကမ့ၢ်ဒၣ်ဖိၣ်ဃဲဖိ လၢမၢၤ စတိနၢၣ် ကွၢ်က့ၤအီၤ တဂၤ စံၣ်ဖျိးကွံာ်၀ဲ န့ၣ်လီၤ. တုၤလၢ ကၠိဒီး ဖၢရ့ၣ်ထံၣ်လိာ်ဒီး ဟိမၢၣ်ဒီး တဲအီၤ, တဲပှၤနီတဂၤ တဂ့ၤ. ယဆိကမိၣ်လၢ ဖိၣ်ဃဲ ရီနၢၣ် စံၣ်ဖျိးကွံာ် လၢစတိနၢၣ် အအိၣ်လံ. ဟိမၢၣ် တခီ ကတိၤကသွံတၢ် ဒီး ဘၢးထ် ရီနၢၣ် ဃ့ၢ်ကွံာ် မနၤကၢာ် ဒီး ပှၤလူၤဃုအီၤ ဒီတဂီၤညါလီၤ. ဒီးအ၀ဲသ့ၣ် ကမၢပလံး လူၤအီၤလီၤ. ဘၣ်တဘၣ် ကအိၣ်လံလၢ ဃိာ်ပူၤလံ. ဘၢးထ် တခီ တကနၣ်တၢ်လၢ ဟိမၢၣ် တဲအီၤ လီၤတံၢ်လီၤဆဲးဘၣ်. ဒီးတဲကသွံ တၢ်ဒီး ဟီ၀ၢးဒ်, ရီနၢၣ် အိၣ်လၢ ဃိာ်ပူၤလံ. ပလံးမၤန့ၢ်အီၤလံ.
ဟီ၀ၢးဒ် တခီ အဲၣ်ဒိးသ့ၣ်ညါ ၀ဲလၢ တၢ်မၤအသးဒီး ရီနၢၣ် ဒ်လဲၣ်အဂ့ၢ် လီၤ. မ့ၢ်အ၀ဲလဲၤ အိၣ်ဘၣ် လၢ ဃိာ်ပူၤလၢ မနုၤအဃိ လဲၣ်.
ဘၢးထ် တဲထီၣ်၀ဲ, မဟါကၢာ် ယထံၣ်ရီနၢၣ် စိာ်ထွံၣ်လၢ အဂ့ၤ ဒိၣ်မး တဒု လီၤ. ယဆိကမိၣ်လၢ အ၀ဲ ဟုၣ်ထွံၣ်ဖိန့ၣ် အဃိလီၤ.
တုၤသရၣ် သံကွၢ်၀ဲ ရီနၢၣ်လီၤမၢ် အဂ့ၢ်န့ၣ် မ့ၢ်ပှၤသ့ၣ်ညါ တၢ်ဂ့ၢ်အိၣ် တဂၤဂၤ စ့ၢ်ကီးဧါ န့ၣ်ဒီး, ဟီ၀ၢးဒ် စံးဆၢ၀ဲ, အ၀ဲ ဘၣ်အိၣ်လၢ ဃိာ်ပူၤမ့ၢ်လၢ အဟုၣ်ထွံၣ်လၢ အလုၢ်ဒိၣ်ပှ့ၤဒိၣ် တဒုအဃိလီၤ. သရၣ်မုၣ် တခီ တဲ၀ဲလၢ သါသးဒ့ဒီ လီၤ. မ့တမ့ၢ် လၢပသ့ၣ်ညါလီၤတံၢ် လီၤဆဲးဒံး ဘၣ်န့ၣ် တြကၢးလၢ ပတဲလီၤ ကထၢ တၢ် တဲဒ်အံၤ ဘၣ်. သါဆိကမိၣ် လၢပှၤတဲတၢ် ကကမၣ်လံ တတီၤတီၤ လံန့ၣ်လီၤ.
ဟီ၀ၢးဒ် တဲလီၤတံၢ်ကဒီး၀ဲ, ဖၢရ့ၣ်နၢ်ဟူ၀ဲလၢ မၢၤစတိ နၢၣ် တဲဝဲလၢ အ၀ဲဃ့ၢ်ဖျိးကွံာ်အဃိ ပလံး ဖီၣ်အီၤကန့ၢ်လီၤ. ယသးတဒ့ဒီ ဘၣ်. တၢ်အံၤ ကမ့ၢ်၀ဲ တီ၀ဲ စဲဃဲၤလီၤ.
ပှၤအီၣ်တၢ်လၢ မုၢ်ဆါခီ၀ံၤ ဒီးရီနၢၣ် ဟဲပၢၢ်ထီၣ်၀ဲလီၤ. ပှၤဖိသၣ် တဖၣ် အဲၣ်ဒိးသ့ၣ်ညါ၀ဲ ဒီးသံ ကွၢ်အီၤ, ရီနၢၣ် ပှၤလၢ အဟးထီၣ် လၢ ဃိာ်ပူၤဧၢ, ပလံးဖီၣ်န့ၢ်နၤန့ၣ် မၤအသးဒ်လဲၣ်. ပှၤဟဲတဲဘၣ် ရီနၢၣ် လၢ ပှၤပၢၤကၠိအဲၣ် ဒိးထံၣ်အီၤ လီၤ. တုၤရီနၢၣ် ဟဲက့ၤတုၤ က့ၤ ဒီးအ၀ဲ တဲကသွံတၢ်ဒီး သရၣ်မုၣ်လၢ ပှၤပၢၤကၠိ အဲၣ်ဒိး ထံၣ်ဖၢရ့ၣ် လီၤ. တုၤဖၢရ့ၣ် ဟဲက့ၤဒီး ပှၤပၢၤကၠိ မၤလိာ် ကဒီး ဘၢးထ် ၀ံၤဒီး ဟီ၀ၢးဒ် လီၤ.
လၢခံကတၢၢ် ပှၤပၢၤကၠိ ဟဲ၀ဲ ဃုာ်ဒီး ဟီ၀ၢးဒ်လီၤ. အ၀ဲတဲဘၣ် ပှၤကၠိဖိခဲလၢာ်လၢ ရီနၢၣ် မၤလၢာ် အဆၢကတီၢ်ဒီတဟါညါလၢအလူၤဃုက့ၤ ထွံၣ်အလုၢ်ဒိၣ်ပှ့ၤဒိၣ် တဒုလၢ အသကိး တဂၤ မၢအကွၢ် ထွဲဝဲ န့ၣ်လီၤ. ထွံၣ်န့ၣ် ဃ့ၢ်ကွံာ်လၢ မုၢ်နၤခီလီၤ. ပှၤဖိသၣ်တဖၣ် အမဲာ်ဆှးလီၤ. ဒီးဖၢရ့ၣ် တခီတဲ၀ဲလၢ အမ့ၢ်သါ တၢ်ကမၣ်လီၤ. ပြကၢးဃ့ကညး ရီနၢၣ် လၢပသီၣ်၀ံ သဲကလၤ အဂ့ၢ်လၢ အတတီ၀ဲ ဘၣ်န့ၣ်လီၤ. ပှၤပၢၤကၠိ မ့ၢ်ဟ့ၣ် ယၤ အခွဲးဒီး ယကလဲၤတဲက့ၤ တၢ်ဂ့ၢ်လၢ အမ့ၢ် အတီ ဆူတီၤကိး တီၤဒဲး န့ၣ်လီၤ. ပှၤပၢၤကၠိ ဟ့ၣ်အီၤ အခွဲးလီၤ.
