၁ ယိၤဟၣ် ၅း၄, တၢ်မၤနၢၤ လၢအမၤနၢၤ ဟီၣ်ခိၣ် မ့ၢ်အအံၤ, ပတၢ်နာ်လီၤ.တၢ်နာ် စံးတၢ်န့ၣ် မ့ၢ်တၢ်သ့ၣ်ညါ တမံၤလၢ ပပူၤလၢ အဒုးသးမံ ပှၤလၢ တၢ်တမံၤ လၢ ပတထံၣ် ဘၣ် န့ၣ် အိၣ်၀ဲ မ့တမ့ၢ် မၤအသးလီၤ. တၢ်နာ် အဘူးအလဲ မ့ၢ်၀ဲ တၢ်ထံၣ်ဘၣ် တၢ်လၢ ပနာ်အီၤ န့ၣ်လီၤ. ပှၤမၤ ဟီၣ်ခိၣ်ဖိ ကတဲာ် ကတီၤပာ် ဟီၣ်ခိၣ်လၢ တၢ်ကိၢ်ခါ ဒီး နာ်၀ဲလၢ တၢ်ကစူၤလီၤ န့ၢ်အီၤလီၤ. ဒီးတုၤ တၢ်စူၤလီၤ ဒီး ထံၣ်ဘၣ် မူခိၣ် အထံ န့ၣ်လီၤ.
ပိာ်မုၣ်ဖိသၣ်ခံဂၤ အတိၢ်အိၣ် တဂၤ ယဲၢ်ကးလီၤ. တဂၤစံး၀ဲ, ယတိၢ်အိၣ် ယဲၢ်ကး လီၤ. အတဂၤ စံး၀ဲ, ယတိၢ်အိၣ် အကးတဆံလီၤ. အပၢ်တဲ၀ဲ သါ ကဟ့ၣ်အါ ထီၣ်ယၤ တဟါအံၤ ယဲၢ်ကးလီၤ. ယမ့ၢ်ပာ် ဖှိၣ်အီၤ ဃုာ်ဒီး ကအိၣ်၀ဲ အကးတဆံ လီၤ. ပိာ်မုၣ်ဖိ ခံဂၤတဂၤ နာ်၀ဲလၢ အပၢ်ကဟ့ၣ် အီၤဒ် အစံး၀ဲ အသိးလီၤ. တုၤ အပၢ်ဟ့ၣ်အီၤဒီး ထံၣ်ဘၣ်တိၢ်န့ၣ်ဒီး အတၢ်နာ်ဘၣ်၀ဲ တီ၀ဲလီၤ.
ပှၤဒီပုၢ်၀ဲၢ် အိၣ်၀ဲ ခံဂၤလီၤ. အပိာ်မုၣ်တဂၤ အမံၤ နီၢ်ရူၤသး အပိာ်ခွါ တဂၤ ဟါရ့ၣ် လီၤ. ဖဲတၢ်ဂိၢ် ဒိၣ်မး တနံၤ န့ၣ်, အ၀ဲသ့ၣ် အိၣ်လၢဟံၣ် ထဲခံဂၤ န့ၣ်လီၤ. အမိၢ်သံ, ဒီး ပာ် လီၤတဲာ်ဖိၣ်ဃဲ အ၀ဲသ့ၣ်လီၤ. တချုး လၢအသံ ဒံးဘၣ်န့ၣ် သိၣ်လိပာ် အဖိလၢ အ၀ဲသ့ၣ် ကနာ်၀ဲခရံာ် အတၢ်အဲၣ်အီၤ ဒီးကမၤစၢၤ အီၤလၢ တၢ်ကီတၢ်ခဲ အခါ လီၤ. အပၢ်တခီ, လၢအဟံၣ်ပူၤ တၢ်အီၣ် တအိၣ်နီတမံၤ ဘၣ်အဃိ, ဟးဃုမၤ တၢ်မၤလီၤ. တဟဲက့ၤ ပၢၢ်ထီၣ် ဘၣ်. တၢ်အီၣ်လၢဂီၤ လၢဖိသၣ် ခံဂၤအံၤ အဂီၢ် တအိၣ်ဘၣ်. မုၢ်ဆါ ခီတၢ်အီၣ် စ့ၢ်ကီး တအိၣ်ဘၣ်. ဟါခီ တၢ်အီၣ် အဆၢကတီၢ် ပူၤ၀ဲလံ. တၢ်သၣ်၀ံၤ အသးဒိၣ်မးလီၤ. နီၢ်ရူၤသး တဲအပုၢ်လၢ အကဘါထုကဖၣ် ခရံာ် အတၢ်ထု ကဖၣ် လၢအမိၢ်သိၣ်လိ အ၀ဲသ့ၣ် န့ၣ်လီၤ. ဘါသကိး၀ဲ, အိၣ်လၢ မူခိၣ် ပပၢ်ဧၢ ဒီး ဆူညါ လီၤ. တုၤလီၤလၢ ကိၣ်လၢ တနံၤ အဂီၢ်တနံၤ အဂီၢ် န့ၣ် ဟ့ၣ်လီၤလၢ်ပှၤလၢ မုၢ်မဆါ တနံၤအံၤတက့ၢ်. ဖဲအံၤ တဲအါထီၣ်၀ဲလၢ အတၢ် ကတိၤဒၣ်၀ဲ ယ့ၣ်ရှူး သးဘိဧၢ, နသ့ၣ်ညါ လၢတနံၤအံၤ ပတၢ်အီၣ် တအိၣ် နီတမံၤ ဘၣ်. ဟါရ့ၣ် တၢ်သၣ်၀ံၤ အသး ဒိၣ်မးလီၤ. ဖိသၣ်ခံဂၤအံၤ လၢတၢ်တသ့ၣ်ညါ တၢ်နီတမံၤဘၣ် အပူၤ, ပှၤအမံၤလၢ စမံးသ် တဂၤ တုၤအလဲၤတၢ် တုၤဃီၤလၢ ဖိသၣ်ခံဂၤ အဟံၣ်မဲာ်ညါ ဒီး တၢ်ဘိးထီၣ်အသးလၢ ကလဲၤကွၢ် ၀ဲ ဖိသၣ်ခံဂၤအံၤ မၤတၢ်မနုၤလဲၣ်န့ၣ်လီၤ. ကနၣ်၀ဲ ဖိသၣ်ခံဂၤ ဘါထုကဖၣ် တၢ်လီၤ. တုၤအနၢ်ဟူ၀ဲ နီၢ်ရူၤသး ဘါထုကဖၣ် တၢ်လၢ တနံၤန့ၣ် အ၀ဲသ့ၣ် တအီၣ်ဘၣ် တၢ်နီတမံၤ ဒီး တၢ်သးကညီၤ အိၣ်ထီၣ်လၢ အပူၤလီၤ. ညီနုၢ်ပှၤကိးအီၤ, ပှၤလၢအပံာ်အကီ တဂၤလီၤ. အ၀ဲတမ့ၢ် ပှၤအပံာ်လၢၤဘၣ်. အ၀ဲဟဲက့ၤစိာ်၀ဲ ကိၣ်တလိၣ် လၢအဟံၣ် ဖိဟံၣ်ဖိအဂီၢ်လီၤ. အိးထီၣ် ဟံၣ်မဲာ်ညါ အြတဲၤ, ဒီးကွံာ်နုာ်၀ဲ ကိၣ်တလိၣ် န့ၣ်ဒီး ကးဘၢ က့ၤြတဲၤလီၤ. မုၢ်ဆ့ၣ်ထီၣ်တနံၤ အ၀ဲဟဲ၀ဲ ဆူ ဟံၣ်န့ၣ်ဒီး ဟ့ၣ်၀ဲ ဖိသၣ်ခံဂၤ အပၢ် အတၢ်မၤလီၤ. အ၀ဲစ့ၢ်ကီး လဲလိာ်အသးဒီး ကဲထီၣ်က့ၤ ခရံာ်ဖိ လၢအဂ့ၤ တဂၤလီၤ.
