မးသဲ ၂၀း၂၇, ၂၈ ဖဲဒၣ်ပှၤလၢ တၢ်မိၣ်ကဲ အသးလၢ အခိၣ်တဂၤ ဂၤလၢ သုကျါန့ၣ်, မ်အကဲလၢ သုကုၢ် တက့ၢ်. ဒ်န့ၣ် အသိး ပှၤကညီဖိခွါ အံၤ တဟဲဘၣ်ဒ် သိး ပှၤကမၤအီၤ လၢအခ့ အပှၤ အတၢ်မၤ ဘၣ်. မ့ၢ်ဒ်သိး အကမၤ တၢ်အခ့ အပှၤ အတၢ်မၤ ဒီးဟ့ၣ်လီၤအသး လၢ ပှၤကညီ အါ ဂၤ အပှ့ၤ န့ၣ်လီၤ.ပှၤအဲကလံးဖိ တဂၤ ဖဲအဒိး ကဘီတဘ့ၣ် လၢထံကျိ နံၤလၣ် (Nile) အပူၤန့ၣ်, ထိၣ်တဖၣ် ဟဲယူၤ စီၢ်လီၤ အီၣ်ဘုဒီး ဘုကၠူၣ် အချံတဖၣ် လၢတၢ်ပာ် ဖှိၣ်၀ဲ လၢ ကဘီအဒါ အဖီခိၣ် န့ၣ်လီၤ. ထိၣ်တဖၣ် ဘှါမး လီၤ. သံကွၢ်၀ဲ ကဘီခိၣ် ဘုဒီး ဘုကၠူၣ်အချံ တဖၣ်အံၤ, အကစၢ် မ့ၢ်မတၤလဲၣ်. ကဘီခိၣ် တဲဆၢ၀ဲလၢ အမ့ၢ် သါ တၢ်န့ၣ်လီၤ. မ့မ့ၢ် နတၢ်ဒီး ဘၣ်မနုၤ နတပဲဘၢ အီၤလၢ တၢ်တမံၤမံၤ ဒ်သိး ထိၣ်တဖၣ်အံၤ အီၣ်သုတသ့ တဂ့ၤ န့ၣ်လဲၣ်. ကဘီခိၣ် သံကွၢ် ကဒါအီၤ, မတၤတ့လီၤ ထိၣ်တဖၣ် အံၤလဲၣ်. မ့ၢ်ယွၤ အဲၣ်ဒိး ကီး၀ဲလၢ ထိၣ်တဖၣ်ကအီၣ် ဘုဧါ. ပှၤအဲကလံးဖိ တဲဆၢ၀ဲ လၢ ဘုချံ မ့ၢ် တၢ်အီၣ်လၢ ထိၣ်အဂီၢ်လီၤ. ကဘီခိၣ် သံကွၢ်ကဒီး၀ဲ, မ့ၢ်ထိၣ်သ့ၣ် တဖၣ် သူၣ်လီၤ ဘုချံဒီး မၤန့ၢ်ဘု သ့စ့ၢ်ကီးဧါ. ပှၤအဲကလံးဖိ တတဲဆၢ၀ဲဘၣ်. ကဘီခိၣ် တဲ၀ဲလၢ မ့ၢ်လၢ ထိၣ်တဖၣ် သူၣ်ဘု မၤန့ၢ်ဘု တသ့ဘၣ် အဃိ ယွၤတိာ်ပာ် ၀ဲလၢ ပှၤကညီ ကဒုးအီၣ်စ့ၢ်ကီး အဘုလၢ ထိၣ်တဖၣ် န့ၣ်လီၤ. ကစၢ် ယွၤ ပာ်လီၤ၀ဲ ဘုကမဲထီၣ် သၣ်ထီၣ်၀ဲလၢ ပှၤကညီ ဒီး ထိၣ်တဖၣ် အဂီၢ်လီၤ. ကဘီခိၣ် အတၢ်တဲ အံၤ ဘၣ်၀ဲ န့ၣ်လီၤ.
ပှၤကညီ သးကညီၤ ဟ့ၣ်တၢ်သ့ ခီဖျိ အတၢ်ဆိကမိၣ် ဒီး အတၢ်မၤ လီၤ. သ့စ့ၢ်ကီး ခီဖျိ ကျိၣ်ဖိ စ့ဖိ, ဒီး တၢ်အီၣ် တၢ်အီန့ၣ်လီၤ. လၢကၠိတဖျၢၣ် အပူၤ ကၠိဖိ တဂၤလၢ အမံၤ နၣ်ဒံ န့ၣ် အတၢ်အိၣ်ဖျဲၣ် ဆၢက့ၤ အလီၢ်တုၤဃီၤ ၀ဲဒီး လၢတၢ်သးဖှံအဂီၢ် ကွဲအတံၤသကိး တီၤဖိခဲလၢာ် လၢအကလဲၤ လၢ အဟံၣ် န့ၣ်လီၤ. ပှၤတီၤဖိ ခဲလၢာ် အသးခု၀ဲ န့ၣ်လီၤ. ဘၣ်ဆၣ် ပှၤတီၤဖိ အကျါ တဂၤလၢ အမ့ၢ် ချီး(ဒ်) န့ၣ် အမဲာ်တဖျါ ဒီး တၢ်သးဖှံဘၣ်. ပှၤတီၤဖိ အပိာ်မုၣ် တဂၤ ထံၣ်တၢ်အံၤ ဒီးသ့ၣ်ညါ ၀ဲလၢ ချီး(ဒ်) အမဲာ်တမုာ် မ့ၢ်လၢ အတၢ်ကူတၢ်သိး အဂ့ၤ တအိၣ်ဘၣ် အဃိ, တအဲၣ်ဒိး လဲၤ၀ဲဘၣ်. ပှၤတီၤ ဖိ အဂၤတဖၣ် အိၣ်ဒီး တၢ်ကူတၢ်ကၤ လၢအသီဒီး အပှ့ၤဒိၣ်၀ဲ န့ၣ်လီၤ. ဖဲကၠိပျၢ် တတီၤဖိ, ရံစဲးန့ၣ် ပိာ်မုၣ်ဖိလၢ အမံၤမ့ၢ် အဲလံးစ် န့ၣ်တဲဘၣ်ချီး(ဒ်) လၢတၢ်ကွဲအဂ့ၢ်ဒီး မုၢ်လၢ်၀ဲလၢ ချီး(ဒ်) ကလဲၤ၀ဲ စ့ၢ်ကီး န့ၣ်လီၤ. ချီးဒ် ဂံၤဂုၤအခိၣ် ဒီးစံး၀ဲ သါတလဲၤဘၣ် န့ၣ်လီၤ. တဲစ့ၢ်ကီး၀ဲ, သုကလဲၤဒီး သုကသး ခု န့ၣ်လီၤ. အဲလံးစ် ကူၣ်ထီၣ် တၢ်လၢ အသးပူၤ ဒ်သိး ချီးဒ် ကလဲၤစ့ၢ်ကီး န့ၣ်လီၤ. အ၀ဲတဲ ဘၣ် အသရၣ်မုၣ်လၢ အတၢ်ကူၣ်အံၤ ဒီး မၢအသရၣ်မုၣ် ကိးဃီၤချီးဒ် ဆူတၢ်ဖးလံာ် အဒၢး လီၤ. ဖဲချီးဒ် တအိၣ်အခါ အဲလံးစ် တဲဘၣ် တီၤဖိခဲလၢာ် လၢအကကူ တၢ် ကူတၢ်သိး ယိယိဖိ လၢ အပှ့ၤတဒိၣ် ဘၣ်န့ၣ်လီၤ. ထဲန့ၣ်ဒီး ကၠိဖိ တနီၤ ကွဲချီးဒ် လၢကလဲၤစ့ၢ်ကီး န့ၣ်လီၤ. အ၀ဲသ့ၣ် တကူ တၢ်ကူတၢ်သိး အသီ နီတဂၤဘၣ်. ချီးဒ် လဲၤ၀ဲဒီး မ့ၢ်ပှၤလၢ အသးဖှံကတၢၢ် လၢဟါ န့ၣ်လီၤ. အဲလံးစ် အိၣ်ဒီး အသးလၢ အကဟ့ၣ် ညီတၢ် လၢတၢ်ဆိကမိၣ်, တၢ်မၤဒီး တၢ်အီၣ်တၢ်အီ ဒီး တီၤဖိကိးဂၤ သးခု ၀ဲလီၤ.
