စံး ၁၂၅း၄, ယွၤဧၢ မၤဂ့ၤပှၤအဂ့ၤ အ၀ါဒီး ပှၤအသး စၢၢ်ဆၢန့ၣ် တက့ၢ်.တၢ်ညီနုၢ်မၤအသး လၢပှၤဟီၣ်ခိၣ်ဖိတဖၣ် တုၤအမၤ ကမၣ်တၢ် တမံၤမံၤ န့ၣ်, ပဲထီၣ်၀ဲ လၢ ပှၤဂၤ အလိၤဒီး တအၢၣ်လီၤ၀ဲ လၢအမ့ၢ် အတၢ်ကမၣ် ဒၣ်၀ဲဘၣ်. မိၢ်တဂၤလၢ အဖိဒိး စဲးတဖျိ ဘၣ်န့ၣ်, ပှၤ မ့ၢ်သံကွၢ်အီၤ လၢမနုၤ အဃိလဲၣ်န့ၣ်, အါ တက့ၢ် ကစံး၀ဲ အပၢ်တမၤ စၢၤသိၣ်အီၤ လၢအကဖး လံာ် ဘၣ်. တစံး၀ဲလၢ အမ့ၢ် အတၢ်ကမၣ် လၢအတသိၣ်လိ အဖိလၢ ဟံၣ်ဘၣ် န့ၣ်လီၤ. ဖဲကၠိဖိ တဖၣ် ဖးသကိး လံာ် လၢတီၤပူၤ န့ၣ် အသရၣ် မ့ၢ်ဒူအလိၤ လၢအတဖးလံာ် ဘှ့ၣ်ဘှ့ၣ် ဘှီၣ်ဘှီၣ် ဘၣ်န့ၣ်, တဲဆၢ ယတကတိၤ သွံတၢ်ထဲ တဂၤဧိၤ ဘၣ်. ပှၤအဂၤ တဖၣ် ကတိၤကသွံ တၢ် စ့ၢ်ကီးလီၤ.
ဖဲ ယွၤသံကွၢ် စီၤအၤဒၣ် လၢအအီၣ် သ့ၣ်သၣ်ဧါ န့ၣ်, ပာ် တၢ်ကမၣ်လၢ နီၢ်အံၣ်အု အလိၤ လၢ အဟ့ၣ်အီၤ သ့ၣ်သၣ် လၢ ကအီၣ်၀ဲ အဃိလီၤ. နီၢ်အံၣ်အု တခီ ပဲထီၣ်၀ဲလၢ ဂုၢ်အလိၤ လၢအလ့ ပစီ အီၤ န့ၣ်လီၤ. တယၢၤထီၣ် ၀ဲလၢ တၢ်ဟ့ၣ်ပလီၢ် အီၤအဘျီ တဖၣ်အဘျီ လၢအသု တအီၣ်သ့ၣ်သၣ် တဂ့ၤ န့ၣ်ဘၣ်.
ဖဲစီၤရှမူၤအ့လး သိၣ်ဃီၣ် စီၤစီလူး လၢအဟဲက့ၤစိာ်သိဒီး ဂီၤဖံးတဖၣ်လၢ အကလုၢ်တၢ် အဂီၢ် န့ၣ်, ကတိၤပူၤအခိၣ် လၢ အပှၤတဖၣ် တမၤသံ သိဒီး ဂီၤဖံး လၢအဘီၣ်အသိ တဖၣ်ဘၣ်. ဟဲက့ၤစိာ် ၀ဲလၢ အကလုၢ်ထီၣ် တၢ်လၢယွၤ အဂီၢ်လီၤ. ဒ်အမ့ၢ် ပှၤအခိၣ် တဂၤအသိး အမူအဒါ အိၣ်၀ဲလၢ အကဘၣ် ကွၢ်ထွဲ တၢ်မၤလၢ ယွၤအကလုၢ် ဘၣ်တၢ်ဒိကနၣ် အီၤဒီး မၤအီၤ လၢလၢ ပှဲၤပှဲၤ န့ၣ်လီၤ.
ပသုတမ့ၢ် ပှၤလၢအပာ် ထီၣ်တၢ်ကမၣ် လၢပှၤဂၤတဖၣ် အလိၤတဂ့ၤ. မ့မ့ၢ်မၤသကိး တၢ်ဒီး ပှၤလၢ အဂ့ၤ ဒီးအသး စၢၢ်ဆၢ တက့ၢ်. လၢ တၢ်ကတိၤအဂၤ, ရ့ဒီး ပှၤလၢအသး ဘျၢ၀ဲ တီ၀ဲ တဖၣ် တက့ၢ်. ပမ့ၢ်မၤကမၣ် တၢ်ဒီး အၢၣ်လီၤ ပတၢ်ကမၣ် ဒီး သုတထုးဘျး ဃုာ်ဒီး ပှၤအဂၤတဖၣ် တဂ့ၤ. ယွၤထံၣ်၀ဲ, သ့ၣ်ညါ ၀ဲလီၤ.
