ကလီးစဲ ၃း၂, သးအိၣ်တၢ်လၢ ထးန့ၣ် တက့ၢ်. သးအိၣ် တၢ်လၢ ဟီၣ်ခိၣ်ချၢ တဂ့ၤ. ပှၤထူစံာ်ဖိ တဂၤ ထံၣ်န့ၢ် လံာ်ြကီြကာ် ဖိတဘ့ၣ် ဒီးဘုၣ်ဒိၣ်ထီၣ် ၀ဲလၢ အဆီဒီး ဆီကဆီ တဖၣ် အကျါလီၤ. တုၤမ့ၢ် အဒိၣ်ထီၣ်ဒီး ဒိၣ်န့ၢ်ဒံး ဆီဘုၣ်ဒၢ တဖၣ်, အဒံးဆ့ လၢ အတယၢ်ထီၣ် အသး အစိး ခံအိၣ်၀ဲ ၆ ပျၢ် လီၤ. ဖျါလၢ အသးမံ သးမုာ် လၢ ဆီတဖၣ် အကျါဒီး အကစၢ် ဆိကမိၣ် ၀ဲလၢ ထိၣ်ဖးဒိၣ် တဘ့ၣ်အံၤ ကအိၣ်၀ဲလၢ အဆီဂၢၤ ပူၤ တစိၤအသး န့ၣ်လီၤ.
တနံၤတခီၣ် ပှၤလၢ အမၤလိ သ့ၣ်ညါ ထိၣ်ဖိလံာ်ဖိ ဒီး တၢ်မံၤလာ် ဖိတဖၣ် အဂ့ၢ် ဟဲဟး ၀ဲလၢ ပှၤထူစံာ် ဖိအဟံၣ်ဒီး တၢ်လီၤဆီ ဘၣ်အီၤလၢ လံာ်ြကီြကာ် တဘ့ၣ်အံၤ အိၣ်၀ဲလၢ ဆီတဖၣ် အကျါ န့ၣ်လီၤ. ဘၣ်ဆၣ် တဲ၀ဲ ထိၣ်တဘ့ၣ်အံၤ အိၣ်ဒံးဒီး လံာ်ြကီြကာ် အသးလၢ အကယူၤ၀ဲ လၢ မူကပိာ် လိၤ, ဒီး လ့ကစၢၢ်ထီၣ်ထီ တဖၣ် အကျါလီၤ. ယအဲၣ်ဒိးမၤကွၢ် အီၤလီၤ. ပှၤထူစံာ်ဖိ ဟ့ၣ်အီၤ အခွဲး လီၤ. ဘၣ်ဆၣ် တဲ၀ဲ နမၤကွၢ်အီၤ အဘျုးတအိၣ်ဘၣ်. တၢ်မုာ်ဘၣ် အီၤလၢ အအိၣ်တၢ် အလီၢ် ခဲအံၤ န့ၣ်လီၤ.
သရၣ်အံၤ ဟံးထီၣ် ထိၣ်ဖးဒိၣ် အံၤ ယူာ်ထီၣ်ထီ ၀ဲ, ဖဲအယူာ်၀ဲန့ၢ်ဒီး သဆၣ်ထီၣ် အခံလၢ အကယူၤ ကွၢ်၀ဲ ဘၣ်ဆၣ် ထိၣ်အံၤ ထိၣ်တ့ၢ်လီၤအသးဒီး အီၣ်တၢ်လၢ ဆီ ဒီး ဆီကဆီ တဖၣ်အကျါ လီၤ. သရၣ် အံၤစိာ်ထီၣ် ထိၣ်အံၤ လၢဟံၣ်အခိၣ်စိၣ် ဒီး ပျဲလီၤ၀ဲ လၢအကယူၤ ကွံာ်၀ဲ အဂီၢ် ဘၣ်ဆၣ် ထိၣ်အံၤ ယူၤလီၤ၀ဲ ဆူကရၢၢ် ပူၤဒီး ဖျးအီၣ် အဆၣ် လၢဆီအကျါ လီၤ. သရၣ်အံၤ တဲဒၣ်၀ဲလၢ ကမၤကွၢ် ဒံးထိၣ်အံၤ လၢတၢ်လီၢ် ခံတီၤ သၢတီၤ လီၤ. ပှၤထူစံာ် ဖိတဲအီၤ မၤကွၢ်အီၤ အဘျီတဖၣ် အဘျီ ဖဲ နသးအဲၣ်ဒိး တက့ၢ်. နထုးဖှၣ် အသးလၢ အကအိၣ်လၢ ကရၢၢ် အံၤအပူၤ တန့ၢ် ဘၣ်.
မုၢ်ဆ့ၣ် ထီၣ်တဂီၤ သရၣ် စိာ်ကွံာ် ထိၣ်အံၤ စီၤစုၤ၀ဲဒီး ပှၤထူစံာ်ဖိ အံၤ အဟံၣ်ဒီး အကရၢၢ် ဆူ ကစၢၢ် တဖျၢၣ် အခီၣ်ထံး ဖဲမုၢ် အတၢ်ကပီၤ ဆဲးလီၤဘၣ် အီၤလီၤ. ဘျီအ၀ဲအံၤ အ၀ဲဖီၣ်ဃာ် လံာ်ြကီ ြကာ် အံၤအခိၣ်ဒီး ဃၣ်၀ဲလိၤလိၤ ဆူမုၢ်ဟဲထီၣ် ဒီး သဆၣ်ထီၣ် ထိၣ်အခံလၢ အကယူၤကွံာ် န့ၣ်လီၤ. တဘျီအံၤ ထိၣ်ပာ် ဖျါထီၣ် အတၢ်ဟူးတၢ်ဂဲၤ မၤသီၣ်အကလုၢ် ဖးဒိၣ်, တယၢ်ထီၣ် အဒံးဆ့ ဒီးယူၤ၀ဲ ဆူမုၢ် အအိၣ်ဒီး တဟဲက့ၤ ကဒါက့ၤ ဆူဆီကရၢၢ် ပူၤဘၣ်ဒီး လီၤမၢ်ကွံာ် ၀ဲန့ၣ်လီၤ.
ယွၤတ့နၤ ဒီးယၤ ဒ် လံာ်ြကီြကာ် တဘ့ၣ်အသိး လၢပကအိၣ်ဒီး ခရံာ်ဖိ အသးလၢ အသဘျ့၀ဲ, အိၣ်ဒီး တၢ်သးဖှံ သးမုာ်န့ၣ်လီၤ. ဟံးန့ၢ်အီၤတက့ၢ်. အိၣ်ဒီး တၢ်သးမုာ် သးခုတက့ၢ်. သုတယဲၤယီၤ နသး လၢ တၢ်လၢ အဘၣ်ဃးဒီး ဟီၣ်ခိၣ်တဂ့ၤ. ဖဲနပညိၣ် ဃီၤ နတၢ်ထံၣ် ဆူမုၢ် လၢအမ့ၢ် တၢ်တီတၢ်လိၤ အအိၣ်ဒီး, ဒ်လံာ်ြကီြကာ် တဘ့ၣ်အံၤ အသိး နသး ကဆှၢနၤ ဆူတၢ်ဆိ ကမိၣ်လၢ အထီဒီး တၢ်တိာ်ပာ် အလုၢ်ဒိၣ် ပှ့ၤဒိၣ် တဖၣ်လၢ ယွၤအဂီၢ်လီၤ.
