စံး ၉၆း၂, သးဝံၣ်ထီၣ်ယွၤ, စံးထီၣ်ပြတၢၤအမံၤ, စံၣ်တဲၤတဲလီၤ အတၢ်အုၣ်က့ၤခီၣ်က့ၤလၢ တနံၤဘၣ်တနံၤ တက့ၢ်. ဖဲပှၤဝါဖံးဖိလၢ ကီၢ်ယူရပၤ လဲၤအိၣ်လဲၤဆိးသီလၢ ကီၢ်အမဲရကၤန့ၣ်, အိၣ်ဘၣ်ဝဲဘူးဒီး ပှၤဂီၤဖိတဖၣ်လီၤ. ကိၤလၤဝါဖံးဖိလၢ အမ့ၢ် ခွါကမဲတဂၤ မၤဆါဘၣ်ပှၤဂီၤဖိ အစကီၤတဂၤ အသးဒီး စကီၤအံၤ ကူၣ်ထီၣ်ဝဲလၢ အကဟုၣ်န့ၢ် ခွါကမဲအံၤ အဖိမုၣ်အဆံးတဂၤလၢ အကမၤကၣ်က့ၤအီၤ အဂီၢ်လီၤ. ဖိမုၣ်ဆံးတဂၤအံၤ အိၣ်ဝဲ ၅ နံၣ်ဒီးအမံၤမ့ၢ်ဝဲ မ့ရ့ၣ်လီၤ. အဝဲၢ်မုၣ်တခီ အိၣ် ၁၆ နံၣ်, ဒီးအမံၤမ့ၢ်ဝဲ ြဖူဒဲ လီၤ. တဘျီဖဲ မ့ရ့ၣ်အိၣ်ထဲတဂၤဧိၤန့ၣ်, စကီၤအံၤ လဲၤဖီၣ်ဆူၣ်အီၤဒီး စိာ်အီၤဆူ မုၢ်နုာ်စီၤစုၤဝဲဒီး မ့ရ့ၣ်အပၢ် အိၣ်တၢ်အလီၢ်န့ၣ် မံးလာ် တဘျုးကယၤညါဒီး အိၣ်ယုၤဖိသၣ်အံၤလၢ ပှၤဂီၤတဖၣ်အကျါ လီၤ.
မ့ရ့ၣ်အပၢ်ဒီးအဝဲၢ်မုၣ် လူၤဃုက့ၤအီၤ လၢတနံၣ်ဘၣ်တနံၣ်, တလါဘၣ်တလါ, ဘၣ်ဆၣ် ဃုဝဲတဘၣ်ဘၣ်. ပူၤကွံာ် ၁၄ နံၣ်ဒီး ပှၤဝါဖံးဖိလၢ အမ့ၢ်ပှၤခးတၢ်ဖိတဂၤ လဲၤတုၤဝဲလၢ တၢ်လီၢ်ဖဲမ့ရ့ၣ် ဘၣ်တၢ်ပာ်အီၤအလီၢ်ဒီး သ့ၣ်ညါဝဲလၢ အမ့ၢ်ပိာ်မုၣ်ဖိလၢ ပှၤဂီၤအစကီၤ တဂၤဟုၣ်န့ၢ်အီၤ န့ၣ်လီၤ. ပှၤခးတၢ်ဖိအံၤ ကွဲန့ၢ်လွဲန့ၢ် မ့ရ့ၣ်လၢ အကပိာ်အခံ ဒီးကဆှၢက့ၤအီၤဆူ အပၢ်အအိၣ်န့ၣ်လီၤ.ဘၣ်ဆၣ် ကွဲဝဲတန့ၢ်ဘၣ်. ထဲန့ၣ်တဘျီ ပှၤခးတၢ်ဖိအံၤ က့ၤတဲဘၣ်မ့ရ့ၣ်အပၢ် လၢအသ့ၣ်ညါဘၣ်လံ တၢ်လီၢ်လၢ မ့ရ့ၣ်ဘၣ် တၢ်ပာ်အီၤ န့ၣ်လီၤ. တဘျီဃီ မ့ရ့ၣ် အပၢ်ကတီၤအသးဒီး လဲၤဝဲဆူ မ့ရ့ၣ်အိၣ်တၢ်အလီၢ် ဒီးလဲၤကိးဃုာ်အဖိမုၣ် ြဖူဒဲ န့ၣ်လီၤ. ပှၤခးတၢ်ဖိလဲၤနဲၣ်အဝဲသ့ၣ် အကျဲလီၤ. လဲၤဃ့က့ၤအဖိမုၣ်လၢ ပှၤဂီၤအစကီၤအအိၣ်လီၤ. ဘၣ်ဆၣ် စကီၤတဟ့ၣ်အီၤဘၣ်. တဲဝဲ ယတဟ့ၣ်နၤဘၣ်. မ့ရ့ၣ်စ့ၢ်ကီး တပိာ်နခံဘၣ်. အဝဲကဲထီၣ် လံပှၤဂီၤမုၣ် တဂၤလံ. တမ့ၢ်ပှၤဝါဖံးဖိ လၢၤဘၣ်. အဝဲအဲၣ်ပှၤလံ. အပၢ်တခီ သးလီက့ၤအဖိဒိၣ်မး ဒီးထုးထီၣ်စကီၤန့ၣ်လၢ တီကါထူန့ၣ်လီၤ. စကီၤထံၣ် ဃီၤထူဘ့ၣ်ဘၣ် တဘျုးဘ့ၣ်ဒီး လီကီဝဲဒီးတဲဝဲ, မ့ရ့ၣ်ကလဲၤအိၣ်ဒီးနၤ လၢတလါ ဒီးတုၤ တၢ်ဆၢကတီၢ်ပှဲၤ ထီၣ်ဒီး ယကလဲၤအိၣ်က့ၤအီၤလီၤ. မ့ရ့ၣ်မ့ၢ်စံးလၢ သါမ့ၣ်ပှၤဝါ ဖံးဖိဒီး မ့ၢ်အဲၣ်ဒိး အိၣ်ဒီးအပၢ်ဒီး အိၣ်ဝဲသ့လီၤ. မ့ၢ်စံးဝဲလၢ သါမ့ၢ်ပှၤဂီၤဖံးမုၣ်ဖိဒီး အဲၣ်ဒိးပိာ်စကီၤ အခံဒီး ကဘၣ်ပိာ်ဝဲလီၤ. မ့ရ့ၣ်မ့ၢ်စံးဒ်လဲၣ် ဒ်လဲၣ်နာ်သက့ ထူဘ့ၣ်ဘၣ် တကရၢအံၤ စကီၤတဟ့ၣ်က့ၤမ့ရ့ၣ်အပၢ်ဘၣ်. မ့ရ့ၣ်တခီ တအဲၣ်ဒိး ပိာ်အပၢ်အခံဘၣ်. အပၢ်ဒီး အဝဲၢ်ကဘၣ်လွဲန့ၢ် အသးလၢ အကပိာ် အဝဲသ့ၣ် အခံန့ၣ်လီၤ. အပၢ်ဘၣ်သူၣ်ထီၣ်အဒဲဒီး အိၣ်ဖဲန့ၣ် တဘျုးနံၤတဘျုးသီ လီၤ. အပၢ်ကွဲက့ၤအီၤလၢ ကျဲအဘိဘိဘၣ်ဆၣ် ကွဲဝဲတန့ၢ်ဘၣ်. ြဖူဒဲ အသးပၢၢ်ထီၣ် လၢအကသးဝံၣ် တၢ်သးဝံၣ် တဖၣ်လၢ အသးဝံၣ်ယုၤ အပုၢ်တချုးလၢ အပုၢ်တၢ်ဟုၣ်န့ၢ်အီၤ ဒံးဘၣ်န့ၣ်လီၤ. သးဝံၣ်ဝဲတယုၢ်ဝံၤ တယုၢ်, ဖဲမ့ရ့ၣ်တခီ ကစီၤထီၣ်အခိၣ်ဒီးကနၣ်ထံဝဲ, ဒီးတုၤအသ့ၣ်နီၣ်ထီၣ်က့ၤ တၢ်ဆၢကတီၢ်လၢ အဖိသၣ်အခါ သးဝံၣ်သကိးတၢ်ဒီး အဝဲၢ်န့ၣ် ဒီးတဘျီဃီ စံၣ်ဃီၤဖိးဃာ်အပၢ် အကိာ်ဒီး ကိးဝဲ ယပၢ်ဧၢ, ယပၢ်ဧၢလီၤ.
က့ၤပိာ်အပၢ်အခံဒီး တုၤတလါပှဲၤထီၣ်ဒီး စကီၤလဲၤဃ့က့ၤ မ့ရ့ၣ်ဒီး ဆိကမိၣ်ဝဲလၢ မ့ရ့ၣ်ကပိာ်အခံလီၤ. ဘၣ်ဆၣ် မ့ရ့ၣ်တဲအီၤ စကီၤဧၢ, တဘျီအံၤ ယကူထီၣ် သိးထီၣ် ပှၤဝါဖံးဖိ အတၢ်ကူတၢ်သိးလံ. ယပၢ်လူၤဃုက့ၤယၤတဘျုးနံၣ် တဘျုးလါလံ. အသးကသ့ၣ်ဖး ဃၣ်ဃၣ်လၢ ယဃိလီၤ. အဝဲအဲၣ်ယၤဒီး ယအဲၣ်အီၤ ဒီး ယတဟးဖးဒီး အီၤလၢၤဘၣ်.
မ့ရ့ၣ်ဖိ အသးတၢ်လွဲန့ၢ်က့ၤအီၤလၢ တၢ်သးဝံၣ်လီၤ. တၢ်သးဝံၣ် အရဲၢ်သံ စွံမးန့ၣ်လီၤ.
