၁ မိၤ ၄၁း၉, တၢ်လၢ မုၢ်မဆါတနံၤအံၤ ယသ့ၣ်နီၣ်ထီၣ်က့ၤ ယတၢ်ဒဲးဘးလီၤ. ယၤကိာ် ၅း၁၆, တဲလီၤကျဲၤလီၤလိာ်သု တၢ်ကမၣ်သကိးသကိး …
တၢ်အၢၣ်လီၤပတၢ်ကမၣ်ဒီးစံး, မ့ၢ်ယတၢ်ကမၣ်လီၤ.
ပှၤအါတက့ၢ် ပဲဘၢ အတၢ်ကမၣ် ဒီးတနါစိၤ အၢၣ်လီၤဝဲဒီးစံး, “ယတၢ်ကမၣ်” န့ၣ်ဘၣ်.ဘၣ်ဆၣ် ပှၤအိၣ်ဖျိးဝဲ ပူၤဂၤပူၤဂၤ လၢအအၢၣ်လီၤ အတၢ်ကမၣ် န့ၣ်လီၤ. ပူၤကွံာ် လၢအနံၣ်လၢ အကယၤတဖၣ်န့ၣ် ပှၤသ့စဲအ့ၣ် တဂၤ အမံၤမ့ၢ် ရီကၠၢၣ်ဘ့းကၢၣ် မၤလၢာ် အဆၢကတီၢ်လၢ အကွၢ်လီၤက့ၤတၢ်လၢ အသးပူၤ ဒီးထံၣ်လီၤက့ၤ အတၢ်လီၤတူာ်လီၤကာ်ဒီး တဲဘၣ် ပှၤလၢ အမၤသကိး တၢ်ဒီးအီၤတဖၣ်, “ယအၢၣ်လီၤ ယမၤတၢ်ဒဲးဘးဒီး ယတကတိၤ ပူၤဖျဲး ယခိၣ်နီတမံၤ ဘၣ်ဒီး ယဃ့ကညးသုလၢ သုကအိၣ်ဒီး တၢ်သးကညီၤယၤ, ပှၤလၢအမ့ၢ် တပိၢ်လၢ အတဘှံးတဘိန့ၣ်လီၤ.” တဲတၢ်အံၤဒီး စဲၤလီၤအခိၣ်, အိၣ်ဒီး တၢ်သူၣ်အုးသးအုး ဒိၣ်ဒိၣ်ကလဲာ်န့ၣ်လီၤ.
လၢလံာ်စီဆှံအပူၤလၢ ၁ မိၤရှ့ ၄၁ န့ၣ်, စီၤပၤဖၤရိၤ အပှၤကွၢ် တၢ်အီၣ်အခိၣ်တဂၤ ပာ်ဖျါထီၣ်က့ၤ အတၢ်ကမၣ် အကစၢ်ဒၣ်ဝဲ စံးဝဲလၢ အမ့ၢ်တၢ်ဒဲးဘး ဖဲဖၤရိၤ ဃုထံၣ်န့ၢ်ပှၤလၢ အကဖး အတၢ်မံမီၣ် လီၤဆီခံခါ အခီပညီန့ၣ်လီၤ. ပှၤစိာ်လီခီ အံၤသ့ၣ်နီၣ်ထီၣ်က့ၤလၢ စီၤယိၤသး ဖးန့ၢ် အတၢ်မံမီၣ် အခီပညီ ဖဲအဝဲ သ့ၣ်မ့ၢ် သကိးဝဲ ပှၤဃိာ်ဖိ အခါန့ၣ်လီၤ. အဝဲတဲဖျါထီၣ်အတၢ်ဒဲးဘးလီၤ. စီၤပၤမၢ ပှၤလဲၤကိးန့ၢ်အီၤ စီၤယိၤသး, ဒီးစီၤယိၤသး ဖးန့ၢ်အတၢ်မံမီၢ်ခံခါလၢာ် အခီပညီ ဘၣ်ဝဲန့ၣ်လီၤ. လၢပှၤစိာ်လီခီ တဂၤအံၤ အတၢ်ပီၢ်ယၢ် က့ၤအသးဒီး တဲဖျါထီၣ် အတၢ်ဒဲးဘးအဃိ, စီၤယိၤသး ဘၣ်တၢ်ထုးထီၣ်ကွံာ်အီၤလၢ ဃိာ်ပူၤ, ဒီးလၢ အဝဲအတၢ်ဖးန့ၢ်ဖၤရိၤ အတၢ်မံမီၣ်အဃိ, ကီၢ်အဲၤကူပတူး ဒီဘ့ၣ်ပူၤဖျဲးဝဲ ဒီး တၢ်သၣ်ဝံၤလီၤဒိန့ၣ်လီၤ.
စီၤယၤကိာ် သိၣ်ပှၤသီပှၤလၢ ပကတဲလီၤကျဲၤလီၤက့ၤပတၢ်ကမၣ် သကိးသကိး န့ၣ်လီၤ. ပတဲဖျါဒီး အၢၣ်လီၤပတၢ်ကမၣ် ဒီးဃ့ကညး ပှၤအဂၤလၢ အကဝံသးစူၤပှၤန့ၣ် တမ့ၢ်တၢ်ညီလၢ ပကမၤအီၤဘၣ်. ပမ့ၢ်မၤလံဒီးစံး, “မ့ၢ်ယတၢ်ကမၣ် ဝံသးစူၤယၤတက့ၢ်.” ဒီးမ့ၢ်တၢ်လီၣ်ဖျါထီၣ်လၢ ပမ့ၢ်ခရံာ်ဖိဒီးပှၤအဂၤတဖၣ် ကပာ်ကဲပှၤဒီး ကပာ်ဖျါထီၣ် အတၢ်သးအိၣ်ပှၤန့ၣ်လီၤ.
