အ့း ၅း၁၆, ပှ့ၤက့ၤအဆၢကတီၢ်တက့ၢ်. အဂ့ၢ်ဒ်အံၤ မုၢ်နံၤတဖၣ် န့ၣ်မ့ၢ်အအၢအသီလီၤ.
ကိးမုၢ်ဂီၤဒဲးန့ၣ် ယွၤဟ့ၣ်လီၤပှၤတၢ်ဆၢကတီၢ် ထူအလိၣ်ဖိတဖၣ်လၢ ပစုပူၤလီၤ. ကွၢ်ဆိကမိၣ် ပှၤအပျုၢ်တဂၤ တ့ၢ်လီၤစ့စးခိတဖၣ် လၢပီၣ်လဲၣ်ပူၤ, မ့တမ့ၢ်ကွံာ်လီၤတၢ်မျၢ် ပလဲတဖၣ် လၢကပျၢၤပူၤတက့ၢ်. ပှၤကူၣ်ဘၣ်ကူၣ်သ့လၢအမံၤ ခဲမ်သီမစၢၣ် တဲဝဲလၢ အမၤလၢာ်ကွံာ်တၢ်ဆၢကတီၢ်အလုၢ်ဒိၣ်ပှ့ၤဒိၣ်တဖၣ်န့ၣ်, ပလီၤဂာ်ဒီး ပှၤပျုၢ်တဂၤန့ၣ်လီၤ. လၢအဝဲအတၢ်ဒွးန့ၣ်, ပှၤကပျၢးတဂၤ အတၢ်အိၣ်မူမ့ၢ်ဝဲ ၇၅ နံၣ်န့ၣ်လီၤ. အါဒၣ်တၢ်တက့ၢ် အဝဲသူဝဲလၢ တၢ်ဘူၣ်ထူဘါယွၤအဂီၢ် ၆ လါ, လၢအအီၣ်တၢ်အဂီၢ် ၆ နံၣ်, လၢတၢ်လိာ်ကွဲဒီး တၢ်မၤသးဖှံသးအဂီၢ် ၆ နံၣ်, လၢအကူတၢ်သိးတၢ်အဂီၢ် ၇ နံၣ် ၆ လါ, လၢတၢ်လဲၤတၢ်က့ၤဆူ တၢ်လီၢ်ဂၤအဂီၢ် ၆ နံၣ်, လၢတၢ်ဖံးတၢ်မၤအဂီၢ် ၁၉ နံၣ်, ဒီးလၢတၢ်မံအဂီၢ် ၂၃ နံၣ်လီၤ.
ပှၤတနီၤနီၤ ကအုကစွါဝဲလၢ သါတၢ်ဆၢကတီၢ်တအိၣ်ဘၣ်လၢ သါကဖးလံာ် စီဆှံမ့ၢ်ဂ့ၤ, လၢကမၤ ဂ့ၤတၢ်တမံၤမံၤမ့ၢ်ဂ့ၤ, လၢကမၤ တၢ်လီၤဆီ တမံၤမံၤ လၢပှၤခိၣ်ပှၤနၢ်ပာ်လီၤဝဲလၢ ကမၤဝဲမ့ၢ်ဂ့ၤဘၣ်. ဘၣ်ဆၣ် ပန့ၢ်ဘၣ်ကလီတနံၤ ၂၄ နၣ်ရံၣ်ဒီး လိၣ်ဒၣ် လၢပကဘၣ်ကျဲၤလီၤလၢ အဆၢကတီၢ် မတၤ ပကဖးလံာ်စီဆှံ, ပကကွဲးတၢ်တမံၤမံၤ, လၢပကဖးန့ၢ်တၢ်သ့ၣ်ညါ ဒီးတၢ်မၤလိန့ၣ်လီၤ. ပှၤကွဲးလံာ်ဒိၣ်တနီၤ ကွဲးတၢ်ထဲ တနံၤ အမံးနံး ၁၀ န့ၣ်တနံၣ်ဒီးတနံၣ် ကွဲးလံာ်ဝံၤဝဲ အစှၤကတၢၢ် ခံဘ့ၣ် သၢဘ့ၣ်လီၤ.
ပှၤကွဲးထါဖိတဂၤ တဲဝဲလၢ တၢ်ဆၢကတီၢ်အဂ့ၤလၢ ပသးသမူတဂၤဒီးတဂၤ အပူၤဒီး ပမၤလၢာ် ကလီအီၤ အံၤပပှ့ၤက့ၤအီၤသ့လၢ ကျဲအကလုာ်ကလုာ် လီၤ. သ့ဝဲလၢ ပကဟ့ၣ်ပစုလၢ တၢ်မၤစၢၤအဂီၢ်လၢ ပှၤလၢအတၢ်လဲၤ ဘၣ်ဃုာ်ဒီးပှၤ, ဒီးပှၤလၢအဘၣ်သဂၢၢ်ဒီးပှၤ, ပတၢ်နံၤကမှံ, ပတၢ်ကတိၤဟ့ၣ်ဂံၢ်ဟ့ၣ်ဘါ တဖျၢၣ်ခံဖျၢၣ်, မၤဘၣ်က့ၤတၢ်လၢပမၤကမၣ်လံ, တၢ်ကတိၤ လၢအဆၢဒီးအမုာ် လၢတၢ်အိၣ်သကိး ပှၤဆါဒီးတၢ်လဲၤဃုာ်ဒီး ပှၤလၢအလဲၤခူၣ်လီၤပှၤသံတဖၣ်န့ၣ်လီၤ.
