မၤတၢ် ၂၇း၃၅, ဟံးန့ၢ်ကိၣ်ဒီး စံးထီၣ်ပြတၢၤ ယွၤအဘျုးအဖှိၣ် … ဒီး အီၣ်တၢ်လီၤ.
ဖဲပလဲၤပှ့ၤအီၣ်မ့ၤလၢ ပှၤဆါတၢ်အီၣ်အလီၢ်န့ၣ်, ပှၤအါတက့ၢ်တချုးအီၣ်တၢ်န့ၣ် တစံးထီၣ်ပြတၢၤ ယွၤအဘျုးအဖှိၣ်ဘၣ်. စီၤပီလူး ဟ့ၣ်အဒိအတဲာ်လၢ အဂ့ၤလီၤ. အဝဲစံးထီၣ်ပြတၢၤ ယွၤအဘျုးအဖှိၣ်လၢ ပှၤခဲလၢာ် အမဲာ်ညါဒီး အီၣ်တၢ်လီၤ. ပတၢ်ကလုၢ်ထူ လၢတၢ်ဖီခိၣ်အံၤ ပာ်ဖျါဝဲဒ်န့ၣ်လီၤ.
လၢကီၢ်အမဲရကၤ, ဝ့ၢ်အဲးတလဲထၣ် အတၢ်အီၣ်အလီၢ်တဖျၢၣ်အပူၤ, ပှၤလဲၤပှ့ၤအီၣ်တၢ်တဘျုးဂၤ, ပၣ်ဃုာ်ဒီး ပှၤခီလ့ၣ်ကၠိဖိ, ကသံၣ်သရၣ်မုၣ်ဖိ, ပှၤဒီမိ၀ၤခံဂၤ ဒီးအဖိမုၣ်ဖိတဂၤလီၤ. ပှၤဂုၤပှၤဂၤတဖၣ် တုၤပှၤဆါတၢ်ဖိဟ့ၣ်အီၤတၢ်အီၣ်ဝံၤ စးထီၣ်အီၣ်တၢ်လီၤ. မ့မ့ၢ် ပိာ်မုၣ်ဖိသၣ်တဂၤအံၤ တအီၣ်ဝဲ ဘၣ်. အဝဲတဲထီၣ်ဝဲလၢ အကလုၢ်ဃဲကအဲး, မိမိၢ်ဧၢ, မ့ၢ်ပတဃ့ယွၤအတၢ်ဆိၣ်ဂ့ၤ ဒ်ပမၤလၢဟံၣ်အသိး န့ၣ်ဘၣ်ဧါ. တုၤပှၤဆါတၢ်အီၣ်ကစၢ် တဂၤ နၢ်ဟူဝဲ ဒီးတထွါကဆှီလၢၤ စီၢ်နီၤခိၣ်ဘၣ်. တချုးဖိသၣ်အအိၣ် တဲဆၢအီၤဒံးဘၣ်ဒီး အဝဲတဲဆိဖိသၣ်လၢအစံး ဘျုးစံးဖှိၣ်တၢ်သ့ကစီဒီန့ၣ်လီၤ. ပိာ်မုၣ်ဖိအံၤ ဆုးလီၤအခိၣ်, ဒီးပှၤဆါတၢ်အကစၢ်ကွၢ်ဝဲ ပှၤတဂၤဒီးတဂၤဝံၤ ဆုးလီၤအခိၣ်စ့ၢ်ကီး လီၤ. ပှၤအီၣ်တၢ်ဖိတဖၣ် ဆုးလီၤစ့ၢ်ကီး အခိၣ်တဂၤဘၣ်တဂၤလီၤ. ပိာ်မုၣ်ဖိသၣ်အံၤ အကလုၢ်သီၣ်ထီၣ်လီၤအဲၣ်လီၤကွံဒီးစံးဝဲ, “ယွၤန့ၣ်ဒိၣ်ဝဲ, ယွၤန့ၣ်ဂ့ၤဝဲ, မ်ပစံးဘျုးအီၤလၢ တၢ်အီၣ်အံၤတက့ၢ်. အဝဲလုၢ်အီၣ်ပှၤလၢ အစုလီၤ. ကစၢ်ဧၢ, ဟ့ၣ်ပှၤကိၣ်လၢ တနံၤဒီးတနံၤအဂီၢ်တက့ၢ်. အၤမ့ၣ်.”
ပှၤစးထီၣ်အီၣ်ကဒီးတၢ်ဒီး ပှၤကိးဂၤပာ်ဖျါထီၣ်အတၢ်ဘၣ်အသးလၢ ဖိသၣ်အံၤ အတၢ်စံးဘျုးယွၤန့ၣ်လီၤ. ဆၣ်ဖိကီၢ်ဖိဒၣ်လဲာ် ပာ်ဖျါအတၢ်သးခုဒီးတၢ်စံးဘျုးက့ၤပှၤလၢ အဒုးအီၣ်အီၤ အဆၣ်န့ၣ်လီၤ. ပအီၣ်တၢ်လၢ တၢ်အီၣ်အလီၢ်, ပဃ့တၢ်ဆိၣ်ဂ့ၤမ့ၢ် တၢ်စံးဘျုးယွၤ ဒီးတဘျီဃီ စ့ၢ်ကီးမ့ၢ်ဝဲ တၢ်အုၣ်အသး လၢပမ့ၢ်ပှၤခရံာ်ဖိန့ၣ်လီၤ.
