စံး ၂၅း၅, နမ့ၢ်တၢ်အုၣ်က့ၤခီၣ်က့ၤ ယၤအကစၢ်လီၤ.
ခရံာ်ဖိဘၣ်ကွၢ်ဆၢၣ်မဲာ် ဒီးတၢ်မၤနးမၤဖှီၣ်, တၢ်သယုၢ်သညိ လၢအတံၤသကိး တအိၣ်အဃိ, သးအတၢ်သဘံၣ်သဘုၣ်အဃိ, ဒီးတၢ်ကိၢ်တၢ်ဂီၤအဃိ လီၤ. ဘၣ်ဆၣ် မၤန့ၢ် တၢ်သူၣ်ဂၢၢ်သးဂၢၢ် ဒီးတၢ်ဃူတၢ်ဖိးဒီး တၢ်သ့ဒီအသး အကျဲအိၣ်ဝဲထဲတဘိဧိၤ လၢအမ့ၢ်ဝဲ တၢ်ဖီးဟုတံၢ်ဃာ် ယွၤလၢအမ့ၢ် တၢ်အုၣ်က့ၤခီၣ်က့ၤ အကစၢ်ကျၢၤကျၢၤ ဒီးပျဲအီၤလၢ အကဆှၢ အီၤန့ၣ်လီၤ.
ဖဲဟီၣ်ခိၣ်ဒီဘ့ၣ် တၢ်ဒုးခံဘျီတဘျီန့ၣ်, ဟံးတလၢၣ် ပျၢ်လီၤအကဘီယူၤတဖၣ်လၢ ကလဲၤတ့ၢ် လီၤမ့ၣ်ပိၢ်လၢ ဝ့ၢ်လိဒိၣ်အပူၤ န့ၣ်လီၤ. တၢ်သံတၢ်ပှၢ် တၢ်ဟးဂူာ်ဟးဂီၤ အါမးလီၤ. ကီၢ်အဲကလံး အစီၤပၤ ကၠီး ၆ ဂၤတဂၤ ဟ့ၣ်လီၤတၢ်ကလုၢ်လၢ ဖိသၣ်တဖၣ် ကဘၣ်တၢ်လဲၤဆှၢအီၤဆူ ကီၢ်ခဲနဒၢ် လၢကအိၣ်ဘၣ်ဝဲ ပူၤပူၤဖျဲးဖျဲး လၢတၢ်ဒုးအကတီၢ်န့ၣ်လီၤ. ဖိသၣ်အိၣ်ဝဲ ခံဂၤလၢ အမိၢ်အပၢ်လဲၤ ဆှၢလီၤအီၤဆူ လ့ၣ်မ့ၣ်အူ သန့လၢ ကစးထီၣ် အတၢ်လဲၤဆူ ခဲနဒၢ်န့ၣ်လီၤ. လ့ၣ်မ့ၣ်အူ ဟးထီၣ် ဒီးဖဲအမိၢ်အပၢ် တအိၣ်ဘူးဒီး အဝဲသ့ၣ်လၢၤဘၣ် အခါန့ၣ်, အပုၢ်ပိာ်မုၣ် ဟီၣ်ဝဲဒီးတဲ အဝဲၢ် လၢသါပျံၤ တၢ်မ့ၢ်လၢ အဝဲသ့ၣ် ကလဲၤဆူလဲၣ် ဆူလဲၣ် တသ့ၣ်ညါဘၣ်ဝဲ အဃိလီၤ. အဝဲၢ်ပိာ်ခွါစ့ၢ်ကီး ထွါကွံာ် အမဲာ်ထံ, တဲဝဲလၢ သါဝဲစ့ၢ်ကီး သါတသ့ၣ်ညါ လၢသါဘၣ်လဲၤဆူလဲၣ် န့ၣ်ဘၣ်. အဝဲၢ်တဲမုာ်ထီၣ် အပုၢ်အသး ဒီးစံးဝဲ, ဘၣ်ဆၣ် ပလဲၤဆူလဲၣ်န့ၣ် စီၤပၤသ့ၣ်ညါ ဝဲလီၤ. အဃိပကိၢ်အလီၢ်တအိၣ်ဘၣ်.
ပလီၤဂာ်ဒီး ပိာ်မုၣ်ဖိတဂၤအံၤ လၢပသးသမူအတၢ်လဲၤအပူၤလီၤ. တၢ်ခံးယုၢ်ကလာ်လၢပဂီၢ် လီၤ. ဒ်ပိာ်ခွါတဂၤအံၤ အသိးမၤနဲၤလီၤက့ၤပသးလၢ ယွၤကဆှၢပှၤဖဲပဒိးဆှၢပသးလၢ အီၤန့ၣ်တက့ၢ်.
