၁ ယိၤဟၣ် ၄း၁၈, ပှၤလၢအပျံၤတၢ်န့ၣ်, တလၢထီၣ်ပှဲၤထီၣ်လၢ တၢ်အဲၣ်အပူၤဘၣ်.
တၢ်ဆိၣ်ဂ့ၤ အဒိၣ်ကတၢၢ်ခံမံၤလၢ ပှၤကညီအဂီၢ်မ့ၢ်ဝဲ, တၢ်နာ်နီၢ်ကီၢ် နီၢ်သံး (၁) တၢ်အုၣ်က့ၤခီၣ်က့ၤဒီး (၂) ဒုးထူၣ်ဖျဲးထီၣ်ကွံာ်လၢ တၢ်ပျံၤန့ၣ်လီၤ. တၢ်ခံမံၤလၢာ်အံၤ မၤအသးသ့လၢ ယွၤအတၢ်အဲၣ် ပၢတၢ်လၢ ပသးပူၤန့ၣ်လီၤ. လံာ်စီဆှံ ပာ်ဖျါဝဲလၢ ယွၤအတၢ်ဆိၣ်ဂ့ၤလၢ အြတီကွံာ်တၢ်ပျံၤ န့ၣ် ယွၤအဖိအလံၤခဲလၢာ် မၤန့ၢ်အီၤသ့ဝဲန့ၣ်လီၤ. ဘၣ်ဆၣ် ပှၤကိးဂၤ တမၤန့ၢ်တၢ်ဆိၣ်ဂ့ၤ အံၤဘၣ်. မ့ၢ်ဝဲလၢ ပှၤနာ်တၢ်ဖိကိးဂၤ တလၢထီၣ်ပှဲၤထီၣ်ဝဲလၢ တၢ်အဲၣ်အပူၤဘၣ် န့ၣ်လီၤ. တၢ်ကတိၤ “လၢထီၣ်ပှဲၤထီၣ်” အခီပညီ မ့ၢ်ဝဲ တၢ်ဒိၣ်ထီၣ်အလၢအပှဲၤ, မ့တမ့ၢ် ဒိၣ်တုာ်ဝဲန့ၣ်လီၤ. တၢ်အဲၣ်အဝဲအံၤ အိၣ်ဝဲတၢ်ခံမံၤလီၤ. (၁) တၢ်အိၣ်မူ အစီအဆှံဒီး (၂) တၢ်နာ်န့ၢ်တုၤလီၤ တီၤလီၤန့ၣ်လီၤ. အခီၣ်ထံး တမံၤနဘၣ် ဟ့ၣ်လီၤ နသးလၢာ်လၢာ်ဆ့ဆ့ လၢယွၤန့ၣ်လီၤ. မ့ၢ်ဝဲ နဘၣ်ဟ့ၣ်လီၤ နနီၢ်ခိဒီဂၤလၢ အီၤန့ၣ်လီၤ. မၤပှံၢ်လီၤပိၤပျံၤ နသးဒီး ယွၤအကလုၢ် ကထါဒ်သိး နကသ့ၣ်ညါယွၤ အတၢ်ဘၣ် အသးလၢ နဂီၢ် ဒီးညိကွံာ် နတၢ်ဒဲးဘးခဲလၢာ်န့ၣ်လီၤ. (ဖး ရိမ့ၤ ၁၂း၁, ၂) ခံမံၤတမံၤတုၤနအဲၣ်ပှၤတဂၤလံ ဒီးနတပျံၤအီၤလၢၤဘၣ်. နအဲၣ်အီၤ လၢာ်လၢာ်ဆ့ဆ့ လီၤ. တၢ်အဲၣ်ဒိၣ်တုာ်ခိၣ်ပှဲၤ ဟီထီၣ်ကွံာ် တၢ်ပျံၤခဲလၢာ်လီၤ.
