၂ ကရံၣ် ၅း၁၇, ပှၤတဂၤဂၤ မ့ၢ်အိၣ်လၢ ခရံာ်အပူၤ, ဒီးမ့ၢ်အမ့ၢ် တၢ်တ့အသီလီၤ. တၢ်လီၢ်လံၤတဖၣ် ပူၤကွံာ်ဝဲ, တၢ်ခဲလၢာ် ကဲက့ၤလၢအသီလီၤ.
ပှၤတဂၤ ပှ့ၤသိလ့ၣ် ကိးဝဲလၢ ဖီး(ဒ်) (Ford) အကလုာ်အသီတဆိ ဒီးလဲၤတၢ်လီၤ. သိလ့ၣ်အံၤ လဲၤတၢ်အဖၢ အိၣ်ကတီၢ်သတူၢ်ကလာ်လီၤ. စံၣ်လီၤကွၢ်ဝဲဒီး တထံၣ်န့ၢ် တၢ်ကမၣ်နီတမံၤဘၣ်. ထိၣ်ဂဲၤထီၣ်ဝဲ လၢ အကလဲၤတၢ်အဂီၢ်စ့ၢ်ကီး တန့ၢ်ဘၣ်. လၢကျဲခိၣ်န့ၣ် သိလ့ၣ် အသီသံၣ်ဘှဲတဆိ ဟဲဒီး, အဝဲဒုးအိၣ်ကတီၢ် ဝဲဒီး ဃ့တၢ်မၤစၢၤ လၢပှၤတမှံၤတဂၤန့ၣ် အအိၣ်လီၤ. ပှၤတမှံၤအံၤ, အိးထီၣ်ကွၢ်ဝဲ သိလ့ၣ်လၢ အတလဲၤ လၢၤတၢ်တဆိအံၤ အကျၢၢ်ဘၢ, ထိးဘၣ် သုးဘၣ်ဝဲဝံၤဒီး တဲဘၣ်သိလ့ၣ် အကစၢ်လၢ အကဝံၣ်ထီၣ် ဝဲအစဲးန့ၣ်လီၤ. ဝံၣ်ထီၣ်ဝဲဒီး သိလ့ၣ်ဂဲၤထၢၣ် ဝဲ ညီကဒၣ်လီၤ. အဝဲသံကွၢ်ပှၤတမှံၤလၢ အဘှီသိလ့ၣ် သ့ညီ ကဒၣ်လၢ မနုၤအဃိ န့ၣ်လီၤ. ပှၤတမှံၤအံၤ တဲအီၤလၢ သါမ့ၢ်ဟဲနရ့ၣ်ဖီးဒ် (Henry Ford) ပှၤလၢအဒုးကဲထီၣ် သိလ့ၣ်တကလုာ်အံၤ ဒီးမၤပနံၣ် တၢ်ကၤလၢ သိလ့ၣ်အံၤ အဃိ သါမၤသ့ဝဲန့ၣ်လီၤ.
ပှၤလၢအဒုးကဲထီၣ်ဒီး ပှ့ၤက့ၤပှၤသ့မ့ၢ်ဝဲခရံာ်လီၤ. ဒ်ဟဲနရ့ၣ် ဘှီက့ၤအသိလ့ၣ် သ့ဝဲအသိး, ခရံာ်ဘှီဘၣ် ဘှီသီထီၣ်က့ၤ ပှၤသ့ဝဲဖဲ ပလီၤဘျၢကွံာ်ဝဲ လၢတၢ်ဒဲးဘး အပူၤန့ၣ်လီၤ. မ့မ့ၢ် ပဝဲတခီ ပတအဲၣ်ဒိး မၢခရံာ် လၢကဘှီဂ့ၤဘှီသီက့ၤ ပှၤဘၣ်. ပဝဲတဂၤဒီးတဂၤ ပမ့ၢ်ဒၣ် ဝးကဝီၤကျီၤတဖျၢၣ် လၢအလုၢ်အပှ့ၤတအိၣ်ဘၣ် န့ၣ်လီၤ. ဘၣ်ဆၣ် ပမ့ၢ်ထီထီၣ်ခရံာ်အနီၢ်ဂံၢ် တၢလၢပဝး အမဲာ်ညါန့ၣ်, ပကဲထီၣ် ဝဲတဆံ တခါဘၣ်တခါ သ့ဝဲလီၤ. ပျဲခရံာ်လၢ အကဘှီဘၣ်ဘှီသီပှၤ တက့ၢ်. ပကမ့ၢ် က့ၤပှၤအသီန့ၣ်လီၤ.
