နဃ့ ၉း၁၇, ဒီးနဲဒၣ် နမ့ၢ်ကစၢ်တဂၤလၢ အပျၢ်တၢ်, သးကညီၤတၢ်, ဒီးသးအိၣ်တၢ်, သးထီၣ်ကီ, ဒီး နဘျုးဒိၣ်နဖှိၣ်အါ သတးဒီး နတလဲၤသဒၣ်အီၤဘၣ်.
ပှၤဆါလံာ်စီဆှံဖိတဂၤ ဆါန့ၢ်အတံၤသကိး ပှၤမၤပနံာ်တၢ်ကၤဖိတဂၤ လၢလံာ်စီဆှံ အကလုာ်ကလုာ် ဒီး အပှ့ၤလီၤလၢ စ့အါမးလီၤ. ပှၤအံၤ မ့ၢ်ပှၤအဲၣ်ထူအဲၣ်ယွၤ တဂၤလီၤ. ဃုလါပူၤကွံာ်ဒီး တဟ့ၣ်လံာ်အပှ့ၤ နီတစဲး ဘၣ်အဃိ လံာ်စီဆှံ ကရၢမၢ ပှၤဆါလံာ်တဂၤအံၤ ကလဲၤသံကွၢ်ဝဲ အဂ့ၢ်လီၤ. သ့ၣ်ညါ ဘၣ်ဝဲလၢ အဝဲဒီး အဟံၣ်ဖိခဲလၢာ် ဘၣ်တၢ်ဆါလၢၢ် လီၤ. ဒ်သိးတၢ်ဆါ သုတဘၣ် ကူပှၤအဂၤ အဂီၢ် တၢ်ြတီဃာ်အီၤ လၢအသုတလဲၤတက့ၤ လၢပှၤဂၤ အကျါတဂ့ၤန့ၣ်လီၤ. အဝဲတဲဘၣ် ပှၤဆါ လံာ်စီဆှံ အံၤလၢ သါကဟ့ၣ် လံာ်အပှ့ၤသပှၢ်ကတၢၢ် လီၤ. ဃုလါ ပူၤကွံာ်ကဒီး ဝဲဘၣ်ဆၣ် တဟ့ၣ်ဝဲစ့နီတဘ့ၣ်ဘၣ်. ပှၤလဲၤသံကွၢ် ကဒီးအဂ့ၢ်ဒီး သ့ၣ်ညါအါထီၣ်ဝဲလၢ တၢ်ကီတၢ်ခဲဘၣ် ပှၤဆါအံၤ ဒီး အဟံၣ်ဖိဒိၣ်မးလၢ အဆါတဘျုး လါဒီး တၢ်လၢာ်အါမး အမဲာ်ညါ အစ့ဟဲနုာ် တအိၣ်နီတပူၤဘၣ်. ဘၣ်ဆၣ် ပှၤဆါအံၤ တဲဝဲလၢ သါဟ့ၣ်စ့အံၤ ကန့ၢ် သပှၢ်ကတၢၢ်လီၤ.
ပူၤကဒီး အသီ ၆ လါလံ. တဟ့ၣ်အကမၢ် တိၢ်နီတဘ့ၣ်ဘၣ်. ဒီး ကရၢပျၢ်လီၤ ကဒီး ပှၤဆါ လံာ်စီဆှံ အံၤလၢ အကလဲၤဃ့စ့ဖဲ အကန့ၢ်ဘၣ်ဝဲ န့ၣ်လီၤ. မ့ၢ်တန့ၢ်ဘၣ် ဒီး ကဘၣ်အိးထီၣ်ကွီၢ် ဒီးဃ့ တၢ်ကမၢ် န့ၣ်လီၤ. တချုးအကလဲၤဃ့ တၢ်ကမၢ် အနံၤ မုၢ်နၤခီန့ၣ်, ပှၤဆါလံာ်စီဆှံ အံၤမံမီၢ် ဝဲလၢ အကလဲၤဆူ အသကိး တဂၤအံၤ အဟံၣ်ဒီး ထံၣ်ဘၣ်ဝဲလၢ အဖးစံးထီၣ်ပြတၢၤ ၂၃, “ယွၤမ့ၢ်ယပှၤကွၢ်သိ” လီၤ. ဒီးတဖးဝဲဒ် တၢ်ကွဲးအသးအသိးဘၣ်. မ့မ့ၢ်ဖးဝဲ “ယွၤမ့ၢ်ယစ့တၢး ကစၢ်, ယဟ့ၣ်ယကမၢ် ကန့ၢ်သပှၢ်တၢၢ်လီၤ. ဒုးကိာ်လီၤယၤလၢ ထူအပူၤလီၤ. ဒုးနဲၣ်ယၤကျဲလၢ ယကဟးဆှဲး ကွီၢ်ဒ်လဲၣ် န့ၣ်လီၤ. တုၤယလဲၤနုာ်လၢ တၢ်ကမၢ် ဖးဒိၣ် အကဒု ပူၤဒၣ်လဲာ်န့ၣ် ယတပျံၤဘၣ်တၢ်အၢဘၣ် … ထဲတၢ်ဂ့ၤဒီး တၢ်ဘျုးတၢ်ဖှိၣ် ကလူၤပိာ်ယခံ ဒီးယကမၤပနံၣ် တၢ်ကၤလၢ ယွၤအမံၤလီၤ.”
တုၤအလဲၤလၢ အတံၤသကိး အဟံၣ်လၢ မုၢ်ဆ့ၣ်ထီၣ်န့ၣ် ထံၣ်ဝဲလၢ အဖးစံးထီၣ်ပြတၢၤ ၂၃ ဒ်အထံၣ်ဝဲလၢ အတၢ်မံမီၢ် အပူၤအသိးလီၤ. ဘၣ်ဆၣ် ဖးဝဲ အတၢ်ကတိၤဒ် အအိၣ်ကွဲးအသးလၢ လံာ်စီဆှံ အပူၤန့ၣ်လီၤ. ဖးယုၤပှၤဟဲဃ့ အကမၢ် လၢအီၤတဂၤလၢ လံာ်စီဆှံ ဒီဆၢအံၤ ဝံၤဃ့ဘါ ထုကဖၣ် တၢ်လၢ အသးဒီဖျၢၣ် ညါ, ဒီးဃ့ဘါထုကဖၣ် စ့ၢ်ကီးလၢ ပှၤဆါ လံာ်စီဆှံ တဂၤအံၤအဂီၢ်လီၤ. ဒီးယၢၤထီၣ်ဝဲလၢ ဟ့ၣ်အကမၢ်ကန့ၢ် သပှၢ်ကတၢၢ်လၢ တဂီၤန့ၣ်လီၤ. ပှၤဆါလံာ်စီဆှံ တဂၤအံၤ ကမၢကမၣ်ဝဲလီၤ. ပှၤလၢအကဘၣ်ဟ့ၣ် အကမၢ်အံၤ အစ့တအိၣ်လၢ အစုပူၤနီတဘ့ၣ်ဘၣ်. ခံဂၤလၢာ် လဲၤသကိး ဝဲဆူ ဝ့ၢ်ဖဲ ပှၤမၤပနံၣ် တဂၤအံၤ အဝဲၤဒၢးန့ၣ်ဒီး ပှၤသးစၢ်တဂၤဟဲဟ့ၣ်အီၤ စ့တဘိၣ် တဲဝဲလၢ သါသရၣ် ကပှ့ၤအတၢ်ဖိတၢ်လံၤတနီၤ ဒီးမၢ သါဟ့ၣ်ဆိစ့တနီၤ, ဒီးအအိၣ်တ့ၢ်န့ၣ် ကဟ့ၣ်ပှဲၤထီၣ်ဝဲဖဲ အန့ၢ်ဘၣ် တၢ်ဖိတၢ်လံၤန့ၣ်လီၤ. ယွၤစံးဆၢ ပှၤအံၤ အတၢ်ထုကဖၣ် လၢကျဲဒ်အံၤလီၤ.
