အ့း ၆း၁၃, ဟံးန့ၢ်ယွၤအစုကဝဲၤခဲလၢာ်, ဒ်သိး သုဆၢထၢၣ်လၢ မုၢ်နံၤအအၢ ကသ့, ဒီးဒ်သိး သုမၤတၢ်ခဲလၢာ် ဝံၤဒီး သုကဆၢထၢၣ် တက့ၢ်.
မံးရှၢၣ်နရံၣ် အမံၤဟူသၣ်ဖျါ ဝ့လ်ြဖဲးြကဲန်ဖဲလ် (Wilfred Grenfell) လဲၤမၤမံးရှၢၣ် နရံၣ် အတၢ်မၤလၢ ကီးတဖျၢၣ်ဘူးဒီး ခဲနဒၣ် လၢပှၤကိၤလၤ ဂီၤဖံးဖိအကျါ လီၤ. အပျဲၢ်အိၣ်တဂၤ လၢအမံၤ ကၠ့မ့ၣ်, ဒီးမ့ၢ်ပှၤဂီၤဖံးဖိ လၢအသးအိၣ်ဝဲ ၁၃ နံၣ်လီၤ. ဖိသၣ်အံၤ တဲဘၣ်သရၣ်လၢ အကကဲသရၣ်အံၤ အပျဲၢ်လီၤ. သရၣ်သံကွၢ်အီၤ နကမၤစၢၤယၤ မနုၤလဲၣ်. စံးဆၢဝဲ ယကကွၢ်န့ၢ် နထွံၣ်ဒီး ယကမီ နလ့ၣ်စလဲး (sled) လၢနထွံၣ် တွံၢ်ဝဲန့ၣ်လီၤ. သရၣ်တဲအီၤ, နမၤဘၣ်ကကဲဧါ. တၢ်မၤကီမး ဒီးနးမး န့ၣ်လီၤ. ဖိသၣ်စံးဆၢအီၤ, ယမၤကဲကစီဒီလီၤ. မၤကွၢ်ယၤမီၣ်. နတသးအုးဘၣ်လၢ ယဃိဘၣ်. နမၤထူၣ်ဖျဲးယမိၢ် တဘျီဖဲကလံၤမုၢ်လီၤလၢ ပီၣ်လဲၣ်ပူၤန့ၣ် ယစံးဘျုးနၤဒီး ယကမၤစၢၤက့ၤနၤလီၤ.
မ့မ့ၢ်ဒ်န့ၣ်ဒီး ခဲမုၢ်ဆ့ၣ် ပကလဲၤဆှၣ်ကွၢ်တၢ်လီၢ် လၢမူခိၣ်ဖီအကျါလီၤ. ကူသိးထီၣ်ဒီး နတၢ်ကူတၢ်ကၤ အလၢၤ တဖၣ်တက့ၢ်. အဝဲသ့ၣ် လဲၤတၢ်ဒီး ထံၣ်ဝဲတၤဃီၤ တကလုာ်အလီၢ် ဒီးသရၣ်အံၤ တဲဝဲသါကလဲၤလူၤ တၤဃီၤ လၢမူခိၣ်ဖီအကျါ ဒီး သံကွၢ်ဖိသၣ်အံၤ လၢမ့ၢ်အဝဲအိၣ်တ့ၢ် ဘူၣ်ကစီဒီဧါ န့ၣ်လီၤ. ကၠ့မ့ၣ် စံးဆၢဝဲ သါအိၣ်ဘူၣ်လီၤ. တၢ်ခံးလံ, ဘၣ်ဆၣ် သရၣ်တဟဲက့ၤ ပၢၢ်ထီၣ်ဘၣ်. ထွံၣ်တဖၣ် အိၣ်စၢဃာ် ပာ်အသးဒီး တၢ်ဂိၢ်ဒိၣ်မး အဃိ ကအံၣ်ကအု ဝဲလီၤ. ကၠ့မ့ၣ် အီၣ်အတၢ်အီၣ်ဝံၤ, အသးပၢၢ်ထီၣ်လၢ အကက့ၤစံၣ်ဆူအဟံၣ်လီၤ. ဘၣ်ဆၣ် တက့ၤဘၣ်. ကးဘၢအသး လၢယၣ်တနီၤ ဒီးမံဝဲလီၤ. မုၢ်ဆ့ၣ်ထီၣ်ဒီး ပှၤဟဲထံၣ် ဖိသၣ်အံၤ ဘူးတ့ၢ်မးလၢ အကသံလီၤ. အစုဒီး အခီၣ်ခုၣ်လီၤ တကၤဝဲလီၤ. ပှၤဆှၢအီၤဆူ တၢ်ဆါဟံၣ်လီၤ. တုၤအသ့ၣ်ညါ လီၤအသးဒီး သံကွၢ်ဝဲ သရၣ်ဖးဒိၣ် ြကဲန်ဖဲလ် အိၣ်ဖဲလဲၣ်. ပှၤတဲဘၣ်အီၤလၢ သရၣ်အံၤ ဟးဖျိးစ့ၢ်ကီး ဒီးပှၤထံၣ်က့ၤအီၤလံ. လီၢ်ခံ စှၤနံၤ ပှၤထံၣ်ဘၣ်လၢ ပှၤဂီၤဖံးဖိတဂၤအံၤ မၤစၢၤတၢ်လၢ သရၣ်အံၤ အတၢ်ဆါဟံၣ်န့ၣ်လီၤ. ပှၤအံၤ အစုတခီ မ့ၢ်ဝဲထးက့ၣ်ကီၣ် တခါဒီး အခီၣ်တခီ မ့ၢ်ဝဲသ့ၣ် န့ၣ်လီၤ. အစုဒီး အခီၣ်လၢ အလီၤတကၤ ကွံာ်ဝဲန့ၣ် တၢ်ထီထီၣ် အီၤလၢအသီဒ်အံၤလီၤ. အဝဲမၤ တၢ်မၤအံၤ ဒ်အတဲလံ အသရၣ်လၢ အကမၤဝဲ အသိးဒီး အမံၤအိၣ်တ့ၢ်ဝဲ တုၤလၢခဲအံၤ, “ကၠ့မ့ၣ်, ပှၤလၢအဆၢထၢၣ်ဂၢၢ် ကျၢၤလၢအတၢ်မၤအပူၤ.” န့ၣ်လီၤ.
