ဖံ ၂း၄, သုတကွၢ်တဂၤလၢ အတၢ်ဒၣ်ဝဲ တဂၤလၢအတၢ်ဒၣ်ဝဲ တဂ့ၤ. မ်အကွၢ် တဂၤလၢပှၤဂၤ အတၢ်, တဂၤလၢ ပှၤဂၤအတၢ်စ့ၢ်ကီး တက့ၢ်.
ဖိသၣ်ဝ့လယဲမ် အိၣ်ဝဲ ၁၂ နံၣ်လီၤ. မၤလိတၢ်ဒီနံၤ, ဒီးလၢကၠိပျၢ်န့ၣ်, တီၤသရၣ်မၤလိာ်အီၤ လၢကမၤန့ၢ် အတၢ် တမံၤဝံၤမး က့ၤဆူအဟံၣ်လီၤ. အဝဲတက့ၤပိာ် ကျဲလၢ အလဲၤအက့ၤ ညီနုၢ်ဝဲ တဘိဘၣ်. မ့မ့ၢ် က့ၤဝဲကျဲ စၢၢ်လိၤ တဘိလၢစံာ်ပျီ ပူၤဖဲ ဟံၣ်ဖိတဖၣ် အိၣ်ဝဲအါဖျၢၣ် န့ၣ်လီၤ. ဖဲအက့ၤဝဲ ချ့ချ့အခါ, ကလံၤမုၢ်ဖးဒိၣ် အူတၢ်ဒီး စိာ်ကွံာ် အခိၣ်ဖျီၣ် ဒံကွံာ်ဝဲ ဖးယံၤ ဒီးဘၣ်လူၤထၢက့ၤဝဲလီၤ. မၤန့ၢ် အခိၣ်ဖျီၣ်ဝံၤ, ထံၣ်ဝဲလၢ မ့ၣ်အူလုၢ်ခုၣ် ထီၣ်ဝဲလၢ ဟံၣ်တဖျၢၣ် အခိၣ်လီၤ. ဟံၣ်ကစၢ်တဖၣ် ဃ့ၢ်ကွံာ်ဆူ တၢ်လီၢ်၈ၤ လၢကလံၤအူ ဖးဒိၣ်တၢ်အဃိလီၤ. ဝ့လယဲမ် ဆိကမိၣ်ဝဲလၢ အသးမ့ၣ်အူ အသုးဖိအိၣ်စီၤစုၤအမံးလာ် တဆံညါ လီၤ. တုၤအဝဲသ့ၣ် ဟဲတုၤန့ၣ် ဟံၣ်လၢ အအိၣ်ဘူး လိာ်အသးတဖၣ် အံၤကကဲၤထီၣ်ခဲလၢာ်လီၤ. ၀့လယဲမ် ဘ့ၣ်လီၤကွံာ်အဆ့ကၤ လၢၤဖါဂီၤလၢ အမိၢ်မုၣ်ကမဲ ဟ့ၣ်အီၤန့ၣ်ဒီး, သါကလဲၤပုာ်သံကွံာ် မ့ၣ်အူလၢ ဟံၣ်ခိၣ်န့ၣ်လီၤ. ထီၣ်ဆူဟံၣ်ခိၣ် တပာ်ဘၣ် အဃိ ဟးဃုတၢ်ဒီး ထံၣ်ဝဲလၢ ဃီတဘိလီၤ. အဝဲပိာ်ထီၣ် ဃီဒီး ပုာ်သံမ့ၣ်အူ န့ၣ်လီၤ. မ့ၣ်အူတသံဘၣ်. ဘၣ်ဆၣ် တကဲၤဒိၣ်ထီၣ်ဘၣ်အဃိ, တယာ်ဝဲလၢ အကဘၣ်မၤဝဲဒ်လဲၣ်အခါ, ဟံၣ်ကစၢ်မုၣ် အကျါတဂၤ လၢအထံၣ် ဝ့လယဲမ် မၤတၢ်အံၤန့ၣ် တၢ်မၤစၢၤအီၤ မ့ၢ်တအိၣ် မၤဝဲ တဂၤဧိၤ တနၢၤဘၣ်. အဝဲဟံးန့ၢ်ဃီ အဂၤတဘိဒီး ထီၣ်ဝဲ, စိာ်ဃုာ်ဒီးထံလၢ ထံစဲၤပူၤ န့ၣ်လီၤ. မၢဝဲဖိသၣ် အံၤလူပံာ်မ့ၣ်အူ လၢထံလီၤ. ဘၣ်ဆၣ် ဝ့လယဲမ် တလူဝဲဘၣ်. မ့မ့ၢ်တခီ စုာ်လီၤအဆ့ ကၤလၢၤလၢ ထံကျါဒီး ပုာ်သံမ့ၣ်အူလၢ အဆ့ကၤဘၣ်စီၣ် အဃိ မ့ၣ်အူလီၤပံာ်ကွံာ်ဝဲလီၤ. တုၤ မ့ၣ်အူလီၤပံာ်ဒီး ဝ့လယဲမ် ဟဲက့ၤလီၤ ဆူဟီၣ်ခိၣ်လိၤန့ၣ်, ထံၣ်ဝဲလၢ မ့ၣ်အူအသုးဖိတဖၣ် ဟဲလၢအကါ လၢ အကမၤသံမ့ၣ်အူ အဂီၢ်လီၤ. ပိာ်မုၣ်သးပှၢ် တဖၣ်တဲဘၣ်မ့ၣ်အူ အသုးဖိလၢ ဖိသၣ်တဂၤအံၤ အဃိ တၢ်လီၢ်န့ၣ် မ့ၣ်အူတအီၣ်ကွံာ် အီၤဘၣ်န့ၣ်လီၤ. ဖဲအကတိၤသကိး တၢ်ဒ်အံၤအခါ, ဖိသၣ်ဝ့လယဲမ် ဟးထီၣ်ကွံာ် ကစုဒုလီၤ. အဝဲအသးကိၢ် လၢအမိၢ် ကဒူအလိၤလၢ အမၤဟးဂီၤဘၣ် အဆ့ကၤလၢၤလၢ အမိၢ်ဟ့ၣ်အီၤ န့ၣ်လီၤ. က့ၤဆူအဟံၣ် တဘူၣ်တဘျီဃီဘၣ်. ဆိကမိၣ်ကဒီးဝဲလၢ အသး, ခဲမုၢ်ဆ့ၣ် တနံၤယကလဲၤ ဘၣ်ဆူကၠိဒ်လဲၣ်. ယဆ့ကၤလၢၤ တအိၣ်လၢၤဘၣ်.
တုၤအမိၢ် သ့ၣ်ညါဘၣ်တၢ်ဂ့ၢ်အံၤဒီး ပာ်ကဖၢလၢ အသးသ့ဝဲလၢ အဖိခွါ တမ့ၢ်ပှၤတဂၤလၢ အကွၢ်တၢ်လၢ အဂီၢ်ဒၣ်ဝဲဘၣ်. မ့မ့ၢ် ကွၢ်တၢ်လၢ ပှၤဂၤတဖၣ်အဂီၢ် လၢညါလီၤ. ပိာ်မုၣ်သးပှၢ်တဖၣ် တုၤအတထံၣ် လၢၤဝ့လယဲမ် လၢၤဘၣ်ဒီး တဲအါလိာ်အသးလၢ အတဟံးန့ၢ် ဖိသၣ် အတၢ်အိၣ်တၢ်ဆိး အလီၢ်ဘၣ်အဃိလီၤ. ြကၢးသ့ၣ်ညါဝဲလၢ ဖိသၣ် မ့ၢ်မတၤလဲၣ်ဒီး အိၣ်ဝဲဖဲလဲၣ် န့ၣ်လီၤ. ဘၣ်ဆၣ် မ့ၣ်အူသုးဖိတဖၣ် သ့ၣ်ညါ ဝဲဖိသၣ် အဟံၣ်လီၤ.
မုၢ်ဆ့ၣ်ထီၣ်တနံၤ လၢဟါခီ န့ၣ်ပှၤဟဲဝဲတဂၤဆူ ဝ့လယဲမ် အဟံၣ်ဒီး ဟ့ၣ်လီၤအီၤလၢ တၢ်ပရၢတဘ့ၣ်ဒီး လၢတၢ်ပရၢအပူၤ စ့အိၣ်ဝဲဒီလၣ် ၅၀ လီၤ. မ့ၢ်ဝဲတၢ်ဟ့ၣ်လၢ မ့ၣ်အူ သုးဖိတဖၣ် အအိၣ်န့ၣ်လီၤ. န့ၢ်ဘၣ်စ့ၢ်ကီး ဆ့ကၤလၢၤ ဖါဂီၤ အသီသံၣ်ဘှဲတဘ့ၣ်လီၤ. မ့ၢ်ဝဲပိာ်မုၣ်သးပှၢ် တဖၣ်လၢ အတၢ်ဟ့ၣ် လၢအပာ်ဖျါ ထီၣ်တၢ်စံးဘျုးအီၤ န့ၣ်လီၤ. ပမ့ၢ်န့ၢ်ဘၣ် တၢ်ဟ့ၣ်ခိၣ်ဖးပှၤမ့ၢ်ဂ့ၤ, တန့ၢ်ဘၣ်မ့ၢ်ဂ့ၤ ပဘၣ်ကွၢ်တၢ်လၢ ပှၤဂၤအဂီၢ်လၢညါလီၤ.
