ရိမ့ၤ ၆း၂၃, ယွၤအတၢ်ဟ့ၣ်န့ၣ် မ့ၢ်တၢ်မူ အထူအယိာ် လၢပကစၢ်ယ့ၣ်ရှူးခရံာ် အဃိန့ၣ်လီၤ.
စီၤပၤအဖိသးစၢ် တဂၤလိာ်ကွဲ လၢနီလၢအမ့ၢ် စ့ၢ်ကီး တိာ်တဖျၢၣ် အကပၤလီၤ. ထံၣ်ဝဲထိၣ်လွံၢ် တဘ့ၣ် လီၤတဲာ်လၢထံကျါ ဒီးဂဲၤပျုၢ်ဝဲလၢ အသးသမူ အဂီၢ်လီၤ. အဝဲတလ့ၣ်လီၤ သ့ၣ်ကျိးတခါဆူ ထံကျါ, ထီၣ်ဒိးဝဲဒီး ၀ၢ်ဝဲ သ့ၣ်ခီဘၣ် တခီဆူ ထိၣ်လွံၢ်အအိၣ်လီၤ. ဖီၣ်ထီၣ် ထိၣ်လွံၢ်ဒီး ၀ၢ်ဃီၤက့ၤ သ့ၣ်ကျိးန့ၣ် ဆူကၢၢ် ခိၣ်လီၤ. မၤလၢၤမၤသူထီၣ်ဝဲ ထိၣ်လွံၢ်န့ၣ်လၢ မ့ၣ်အူဝံၤ ဒီးလဲၤဆူ ပှၢ်ပူၤဒီး ပျဲလီၤကွံာ် အီၤလီၤ. အမိၢ်ကွၢ် အမၤတၢ်အံၤဒီကတီၢ်ညါ ဒီးတဲအီၤလၢ, အမၤတၢ်အံၤ မ့ၢ်တဘၣ်န့ၢ် အတီၤဘၣ်ဒီး အဝဲကလီၤအုး လၢထံ ကျါလီၤ. တဲဆၢဝဲ, ယဆိကမိၣ် ထီၣ်လၢထိၣ်အံၤ အဖိကအိၣ်ခိး အခိၣ်လၢ အကဟဲက့ၤစိာ်န့ၢ် အဝဲသ့ၣ် အတၢ်အီၣ်န့ၣ်လီၤ. ယအဲၣ်ဒိး မၤထူၣ်ဖျဲး ထိၣ်လွံၢ်အံၤ ဒ် ခရံာ်မၤထူၣ်ဖျဲး ယၤလၢတၢ်ဒဲးဘး အပူၤန့ၣ်လီၤ.
ကးပလံၣ်ဖိအမံၤ ဖၠူဖၣ်, မံဝဲလၢဒဲတဖျၢၣ် အမဲာ်ညါ လၢအသကိး လၢအဒိၣ်န့ၢ်အီၤအကျါ လီၤ. ဖဲဘူးထီၣ် ဖးဖီမုၢ်န့ၣ်, ခ့ဘှ့တဒု ဟဲနၢကွၢ် ပှၤမံတဖၣ်ဒီး အ့ၣ်စှီၤ ဖၠူဖၣ်လၢ အဖံဘၣ်ဒီး စံၣ်စိာ်ကွံာ်အီၤဆူ ပှၢ်ပူၤလီၤ. ပိာ်ခွါဖိအံၤ ကိးပသူထီၣ်လၢ တၢ်မၤစၢၤအဂီၢ် လီၤ. ပှၤအဒိၣ်တဖၣ် မံပၢၢ်ထီၣ်ဝဲဒီး လူၤပိာ်ထွဲ တၢ်ကိးပသူအသီၣ် လၢကမၤထူၣ်ဖျဲး ဖၠူဖၣ်အဂီၢ်လီၤ. ဖၠူဖၣ်ဃၢဝဲအဃိ, ခ့ဘှ့စိာ်အီၤ တန့ၢ်ဂ့ၤဂ့ၤ ဘၣ်အမဲာ်ညါ ပှၤလၢအလူၤအီၤတဖၣ် အကလုၢ်သီၣ်ဘူးထီၣ်အဃိ, ဘၣ်ပျဲလီၤကွံာ် ဖၠူဖၣ်ဒီး စံၣ်ကွံာ်လၢ အသးသမူ အဂီၢ်လီၤ.
မုၢ်ဆ့ၣ်ထီၣ်ဒီး ဖၠူဖၣ် ဘၣ်တၢ်ဆှၢအီၤဆူ မံးရှၢၣ်တၢ်ဆါဟံၣ် ဒီးတၢ်ယါဘျါအီၤ လၢ ၆နွံအတီၢ်ပူၤ, အိၣ်ဒီး တၢ်ထုကဖၣ်အါအါလၢ အဂီၢ်လီၤ. ပိာ်ခွါလိာ်ဘီဘိဖိအံၤ သ့ၣ်ညါဝဲလၢ ဖဲခ့ဘှ့စံၣ်စိာ်အီၤအခါန့ၣ် အူဝဲကမၤထူၣ်ဖျဲးလီၤက့ၤအသးဒၣ်ဝဲ တသ့ဘၣ်. အဂိၤမီၣ်တဖၣ် လူၤဃါခ့ဘှ့မးဒီး ခ့ဘှ့ပျၢ်လီၤကွံာ် အီၤလီၤ. ပဝဲလၢ အတၢ်ဒဲးဘး အါဝဲဒိၣ်ဝဲ တဖၣ် ပမၤထူၣ်ဖျဲးလီၤ ပသးဒၣ်ဝဲတသ့ဘၣ်. စီၤပီလူး ကွဲးန့ၢ် ပှၤရိမ့ၤဖိအလံာ် ဒ်အဖျါလၢ တနံၤအံၤ အတၢ်မၤလိအပူၤ အသိးလီၤ. ပမ့ၢ်ထူၣ်ဖျဲးထီၣ်လၢ ပတၢ်ဒဲးဘး အပူၤမး ပန့ၢ်ဘၣ် တၢ်မူအထူအယိာ်လီၤ. ခရံာ်တဂၤဧိၤ မၤထူၣ်ဖျဲး ပှၤလၢ ပတၢ်ဒဲးဘးသ့ဝဲဒီး ဟ့ၣ်ပှၤတၢ်မူ အထူအယိာ် သ့ဝဲလီၤ.
