ယိၤဟၣ် ၁၂း၃၆, သုအိၣ်ဒီး တၢ်ကပီၤအဖၢမုၢ်န့ၣ်, ဒ်သိးသုကကဲထီၣ် ပှၤတၢ်ကပီၤဖိ တဖၣ်ဒီး စူၢ်က့ၤနာ်က့ၤ တၢ်ကပီၤတက့ၢ်.
ဖဲပိာ်ခွါဖိတဖၣ် အကရၢကိးဝဲလၢ ဘွါစကီး အိၣ်ထီၣ်ဝဲအဆိကတၢၢ် လၢကီၢ်အမဲရကၤန့ၣ်, ပှၤခိၣ်တဖၣ် ကျဲၤလီၤဝဲလၢ စကီးတဖၣ် ကလဲၤထီၣ်ဝဲ သူၣ်ဒဲအတၢ်အိၣ်ဖှိၣ် လၢတၢ်ကိၢ်အကတီၢ် န့ၣ်လီၤ. ပှၤဃိးနံၣ် ဆူအဖီခိၣ် ကဘၣ်လဲၤထီၣ် တၢ်အိၣ်ဖှိၣ်အံၤလီၤ. အခီၣ်ထံး ကတၢၢ် တဟါ ပှၤဖိသၣ်အဆံး ကတၢၢ် အကျါတဂၤ ဟဲဆူ စကီးအခိၣ်ဒိၣ် ကတၢၢ် တဂၤအအိၣ် ဒီးတဲဝဲ, “ယမိၢ်မၤလိာ်ယၤလၢ ယကဘၣ်မံလၢ နွံနၣ်ရံၣ် လီၤ.” ပှၤခိၣ်တဲအီၤ, “နမံသ့လီၤ. က့ၤမံနဲ တက့ၢ်.” တဲကဒီးဝဲ, “ယမိၢ်တဲယၤလၢ တချုးယမံ ယဘၣ်ဘါထုကဖၣ် တၢ်လီၤ.” ပှၤခိၣ်တဲကဒီးအီၤ, “ယတြတီနၤဘၣ်. ဘါထုကဖၣ်တၢ်တက့ၢ်.” ဖိသၣ် တက့ၤဘၣ်ဒီး သံကွၢ်ဝဲ, “လၢယဟံၣ် န့ၣ်ယဘါထုကဖၣ် တၢ်လၢယမိၢ် အခီၣ်လ့ၢ်ခိၣ်လီၤ. ယဘါထုကဖၣ် တၢ်လၢ နခီၣ်လ့ၢ်ခိၣ် သ့ဧါ.” ပှၤခိၣ်အံၤ လဲၤကိးအီၤဆူ ပှၢ်ကျါ ဒီး ဘါထုကဖၣ်ယုၤ ဖိသၣ်အံၤ အတၢ်လီၤ. ထဲန့ၣ်ဒီး ပှၤခိၣ်ရဲၣ်လီၤ ဝဲ တၢ်ဘါထုကဖၣ် လၢ ဂီၤလၢဟါ အဆၢကတီၢ် လၢပှၤစကီး ဖိခဲလၢာ် အဂီၢ်လီၤ. ပှၤစကီးဖိ တဖၣ် တၢ်သိၣ်လိအီၤ လၢကျဲဒ်အံၤ လၢအကပျဲနုာ် ဖိသၣ်ခရံာ် လၢအသးပူၤ န့ၣ်လီၤ. တၢ်ထုကဖၣ် အလုၢ်အလၢ် အံၤ လၢပှၤစကီး ဖိအဂီၢ် စးထီၣ် ကဲထီၣ်အသးလၢ ဖိသၣ် တဂၤဒိကနၣ် အမိၢ်အတၢ် မၤလိာ်အဃိလီၤ.
လၢကီၢ်အၤြဖံးကၤ ပှၤကးပလံၣ် (စူၣ်လူၣ်) ဖိတဂၤ လၢအမၤတၢ်လၢ ကိၤလၤမုၣ် တဂၤအဟံၣ်န့ၣ်, အကစၢ်မုၣ် မၢမံးရှၢၣ် နရံၤ တဂၤလၢ ကတဲယုၤဖိသၣ် အံၤလၢ တၢ်အုၣ်က့ၤခီၣ်က့ၤ အဂ့ၢ်လီၤ. ဒိးန့ၢ်ဘၣ် တၢ်သိၣ်လိဝံၤဒီး ဖိသၣ်အံၤ တဲဘၣ်အကစၢ်မုၣ်ဒ်အံၤ, သရၣ်တဂၤအံၤ တဲယၤလၢ ပှၤလီၤလး မး တဂၤအဂ့ၢ် လီၤ. ပှၤလီၤဆီ တဂၤအံၤ ဟးကူစါ ယါဘျါပှၤဆါ တဖၣ်လီၤ. လၢခံန့ၣ် ပှၤအၢတဖၣ် မၤသံအီၤလီၤ. အဝဲတအိၣ်လၢ တၢ်ပူၤ လၢတၢ်သွၣ်ခိၣ် န့ၣ်ဘၣ်. သၢနံၤ ပူၤအလီၢ်ခံ အဝဲက့ၤထီၣ်ဆူမူခိၣ်လီၤ. ဝံၤဒီး အဝဲဟဲက့ၤလီၤကဒီး, ဒီးအိၣ်ဝဲလၢ ဟီၣ်ခိၣ်အံၤ အနံၤလွံၢ်ဆံ ဒီးဒုးနဲၣ် ဖျါအသးလၢ အဝဲအိၣ်မူ ဒံးန့ၣ်လီၤ. ခဲအံၤ အဝဲ အိၣ်ဝဲလၢ ပှၤလၢအပျဲနုာ်အီၤ လၢအသးပူၤ န့ၣ်လီၤ. ယဲယအိးထီၣ် ယသးဒီး ယပျဲနုာ် ဖိသၣ်ခရံာ်လၢ ကအိၣ်လၢယပူၤလီၤ. ယကျၢၢ်တံၢ် ယသးဒီး အဝဲအိၣ်လၢ ယသးပူၤလီၤ. ပျဲနုာ်ခရံာ် လၢအကအိၣ်လၢ နသးပူၤတက့ၢ်.
