စံး ၁၂၅း၁, ပှၤလၢအသန့ၤအသးလၢ ယွၤန့ၣ် မၤအသးဒ် ကစၢၢ်စံယိၣ် အသိး န့ၣ်လီၤ. တဟူးတဝး ဘၣ်ဝဲဘၣ် ဒီးအိၣ်ဝဲဆိးဝဲ လီၤထူလီၤယိာ် လီၤ.
ပှၤတမှံလၢ အဟးကွၢ်ကီ ပှၤထံပှၤကီၢ် တဖုလဲၤဟးလၢ ကီၢ်စကီးတလဲၣ် အကစၢၢ်ကျါ, ထံၣ်ဘၣ်ဝဲ လၢလ့ကစၢၢ်ခံဖျၢၣ် အကဆူးလၢအဘံဝဲ ဒ်ဂီၤပၤအသိး န့ၣ်, ဖီဃံလၤဒိၣ်မးမဲထီၣ် ဝဲလၢ လံပဲၣ်ြတၣ် အကဆူး န့ၣ်လီၤ. သးလီမၤ န့ၢ်ဖီအံၤ ဘၣ်ဆၣ် ကူၣ်ဝဲ တဘၣ်ဘၣ်. ဆိကမိၣ်ဝဲ ကျဲအိၣ်တဘိ လၢအမၤန့ၢ်ဝဲ ကသ့န့ၣ်လီၤ. မ့ၢ်စဲၤလီၤ ပှၤတဂၤဂၤလၢ ပျံၤဒီး ပှၤမ့ၢ်ဒဲး ဖီဃံလၤ တဖၣ်ကသ့ဝဲန့ၣ်လီၤ. ပှၤဖိသၣ် ကွၢ်သိတဂၤ ဟဲဖဲတၢ်လီၢ်န့ၣ် ဒီးအဝဲသ့ၣ် မၢအီၤလၢ ကအမၤ န့ၢ်ဖီန့ၣ်ဒီး, အဝဲသ့ၣ် ကစဲၤလီၤအီၤလၢ ပျံၤလီၤ. အဝဲသ့ၣ် ကဟ့ၣ်ဘူးဟ့ၣ်လဲအီၤ ဂ့ၤဂ့ၤလီၤ. ဘၣ်ဆၣ် ဖိသၣ်တဲဝဲ, ယတမၤဘၣ် မ့ၢ်တၢ်လီၤပျံၤ ဖးဒိၣ် အလီၢ်လီၤ.
ဖိသၣ်အံၤ ဆိကမိၣ် တၢ်တတီၤဒီး တဲထီၣ်ဖျဲးဝဲ, “ယပၢ်မ့ၢ်စဲၤလီၤယၤ လၢပျံၤမး ယကမၤန့ၢ် သုလီၤ.” က့ၤကိးအပၢ်ဒီး တုၤအပၢ် စဲၤလီၤအီၤဒီး အဝဲဒဲး န့ၢ်ဖီတဖၣ် ဒီး ဟ့ၣ်လီၤပှၤတမှံၤ တဖၣ်န့ၣ်လီၤ. ပှၤတဖုအံၤ အသးခုဝဲ ဒီး စံးဘျုးပိာ်ခွါအံၤဒီး ဟ့ၣ်ဘူးဟ့ၣ်လဲ အီၤလီၤ. ပိာ်ခွါ ဖိအံၤ နာ်န့ၢ် ထဲ အပၢ်တဂၤဧိၤ တုၤလီၤတီၤလီၤ ဒီး အသးတသုၣ်ဘၣ်လၢ အကပျဲ အပၢ်ထိၣ်လီၤစဲၤအီၤ လၢလ့အြတီၤပူၤလၢ အမ့ၢ်ဝဲ တၢ်သံအလီၢ်န့ၣ်ဘၣ်. ပှၤလၢအသန့ၤ အသးလၢအီၤ လၢပနာ်န့ၢ်အီၤသ့ ဒိၣ်တက့ၢ်အိၣ်ဝဲတဂၤ, ဒီး ပှၤအဝဲန့ၣ် မ့ၢ်ယွၤလၢ အတ့လီၤပှၤန့ၣ်လီၤ.
ပှၤဖိသၣ်တဖု ဟးဒိးလိာ်ကွဲသိလ့ၣ်, ဒီးဖဲ သိလ့ၣ်ဟဲဆှၢ ကဒါက့ၤ အဝဲသ့ၣ်န့ၣ် အပၢ်လဲၤခိး လီၤအခိၣ်လီၤ. ပၢ်တဂၤဒီး တဂၤ လၣ်လီၤအစု, ဖိတဖၣ် နာ်န့ၢ်အပၢ်အဃိ တဂၤဒီး တဂၤ စံၣ်လီၤဆူ အပၢ်အစုပူၤ စုာ်စုာ် န့ၣ်လီၤ. တဘၣ်ဒိ ဘၣ်ထံးနီတဂၤဘၣ်. ပနာ်န့ၢ် ပပၢ်ဒၣ်ဝဲ လၢ အမ့ၢ်ပှၤဟီၣ်ခိၣ်ဖိ မ့ၢ်သ့ဒ်န့ၣ် ဒီး ပနာ်န့ၢ် ပပၢ်အိၣ်လၢ မူခိၣ် အလီၢ်အိၣ်ဒိၣ်တက့ၢ်လီၤ.
စီၤဒၤဝံး အိၣ်ဒီးအသကိး တနီၤလၢ အတတီဒီးအီၤဘၣ် န့ၣ်လီၤ. အဝဲကွဲးဝဲလၢ စံးထီၣ်ပြတၢၤ ၁၁၈း၈,၉ တၢ်ဃ့ၢ်ဆူယွၤအအိၣ်န့ၣ် ဂ့ၤန့ၢ်တၢ်သန့ၤ ပသးလၢ ပဒိၣ်ဖးဒိၣ် တက့ၢ်လီၤ. နာ်ယွၤနီၢ်နီၢ် တဲဘၣ်အီၤ, “ယလဲၤလၢ တၢ်သံအကဒု ပူၤဒၣ်လဲာ် န့ၣ် ယတပျံၤဘၣ်တၢ်အၢဘၣ်. အဂ့ၢ်ဒ်အံၤ နအိၣ်ဒီးယၤလီၤ.”
