ဧ့ၤ ၁၃း၆, ယွၤမ့ၢ်ပှၤမၤစၢၤယၤဒီး ဖဲဒၣ်ပှၤကညီ ကမၤဘၣ်ယၤန့ၣ် ယတပျံၤ ဘၣ်. (စံး ၁၁၈း၆)
လၢ ၁၉၁၄ နံၣ်န့ၣ်, ကီၢ်အဲကလံး အသုးဖိတဖၣ် တၢ်ဟ့ၣ်အီၤလၢ တၢ်မၤကွၢ် အဃၢဒီး ကိၢ်ဂီၤဝဲ တခါလီၤ. သုးရ့ၣ်တဖု ကဘၣ်လဲၤတၢ်ဒ် သုးဖိအသိး တၢ်ဒ့ၣ်စၢၤ ၂၅ မံးလး, အိၣ်ဒီး သုးဖိတဂ ၤဒီးတဂၤ အတၢ်ဝံအလၢအပှဲၤန့ၣ်လီၤ. သုးဖိကိးဂၤ လၢသုးရ့ၣ်အပူၤ လဲၤတၢ်ဒ့ၣ်စၢၤ အံၤမ့ၢ်တုၤဝဲဒီး, တၢ်စံးဝဲလၢ အဝဲသ့ၣ် တၢ်ဟ့ၣ်အီၤအခွဲးလၢ အဒုးတၢ်သ့လံ န့ၣ်လီၤ. ပှၤမ့ၢ် တလဲၤတုၤထဲတဂၤဧိၤလၢ ၁၅ မံးလာ် အကတၢၢ်ဘၣ်ဒီး တဖျိတၢ်မၤကွၢ် အံၤဘၣ်. ဒီးသုးရ့ၣ်ဒီဖု ကဘၣ်ဒိး တၢ်မၤကွၢ် အံၤကဒီး လၢခံတဘျီလီၤ.
ဘၣ်တနံၤ ဖဲလါမးရှး, ဖဲတၢ်ကိၢ်ဆါဒိၣ်မးန့ၣ်, သုးရ့ၣ်တဖု ဒိးဘၣ် တၢ်မၤကွၢ် တခါလီၤ. သုးဖိအသီ ကၠ့မ်စ် တဂၤ တဟးဘၣ်လၢ တၢ်ဒ့ၣ်စၢၤ ယံၤဒ်အံၤဒီး ဝံတၢ်ဃၢဒ်အံၤ လၢညါနီတဘျီဘၣ်. ကျဲလၢ အကဘၣ်လဲၤဝဲမ့ၢ် အကီကတၢၢ် လၢတၢ်လီၢ် အဝဲန့ၣ်လီၤ. တၢ်လဲၤ အခီၣ်ထံး အမံးလာ် တဆံ လဲၤအသး ဘျ့ဘျ့လီၤ. ပူၤထီၣ်ကွံာ်တစဲး ဒီး ကၠ့မ်စ် လီၤပှဲာ်ဝဲဒီး ဟးတကျၢၤတနူၤဒီး ဟးလၢ တၢ်လီၢ်ခံလီၤ. အကပၢၤ လီၤလူ, အခီၣ်စၢ်, တၢ်သူအသးလၢထံ ဒီး ခါထီၣ်အခီၣ် တန့ၢ်လၢၤဘၣ်. ဘ့လ် မ့ၢ်သုးဖိ လၢအညီနုၢ်လံဒီး တၢ်မၤကွၢ်အံၤဒီး မ့ၢ်ပှၤလၢ အဂံၢ်အဘါ လၢပှဲၤတဂၤလီၤ. အဝဲလဲၤတၢ်ဘူး ဒီးကၠ့မ်စ် လီၤ. ဘ့လ်သံကွၢ် ကၠ့မ်စ် နမၤလဲၤဒံး ကစီဒီဧါ. ကၠ့မ်စ် တဲဆၢဝဲ ယလဲၤတၢ်တကဲလၢၤဘၣ်. ဘ့လ် တဲအီၤ နမ့ၢ်တလဲၤလၢၤ ဘၣ် ပသုးရ့ၣ်အံၤ အမံၤကဟးဂီၤဝဲ, ဒီးပဝဲခဲလၢာ် ပကဘၣ် တၢ်ဒိးစဲးပှၤကဒီး တဘျီလီၤ. ကၠ့မ်စ် ပာ်ဆူၣ် ထီၣ်အသးဒီး လဲၤဝဲန့ၢ်ကဒီး တမံးလာ်လီၤ. ဝံၤဒီး လီၤစဲၤ ကဒီးလၢ တၢ်လီၢ်ခံလီၤ. ဘ့လ် ဟံးန့ၢ်အကျိ ဒီး ဝံစၢၤအီၤဒီး ကၠ့မ်စ် လဲၤအါထီၣ်ကဒီး တမံးလာ် လီၤ. ဝံၤဒီး တွံၢ်အသး တန့ၢ်ကဒီး လၢၤဘၣ်. ဘ့လ် ဝံစၢၤကဒီး ကၠ့မ်စ် အထၢၣ် ဒီး ကၠ့မ်စ် လဲၤကဒီး ဆူညါတစဲးလီၤ. တုၤအတၢ်လဲၤ လီၤတိၢ်ကဒီး ဒီး ဘ့လ် ဟံးန့ၢ်ဝံဝဲ ကၠ့မ်စ် အတၢ်ဝံတမံၤဘၣ်တမံၤ တုၤအလၢာ်ဒီး ကၠ့မ်စ် ဟးသဘျ့ဝဲလီၤ. လၢခံကတၢၢ် တုၤဝဲလၢ တၢ်လဲၤအကတၢၢ်လီၤ.
ဘ့လ် မ့ၢ်ဝံဒၣ် အကစၢ်အတၢ်ဝံဒီး ကၠ့မ်စ် ခီဖျိ တၢ်မၤကွၢ်အံၤ တန့ၢ်ဘၣ်. ဒီးသုးရ့ၣ်ဒီဖု ကဘၣ်ဟးကဒီး ဝဲတၢ်ဒ့ၣ်စၢၤ ၂၅ မံးလာ် အတၢ်လဲၤဒီး တဘီၣ်တညီ လၢအဝဲသ့ၣ်အဂီၢ်ဘၣ်. ဘ့လ်ဝံစၢၤကၠ့မ်စ် အဃိ ဒိးဘၣ် တၢ်လၤကပီၤဒီး မ့ၢ်စ့ၢ်ကီး တၢ်လၤကပီၤလၢ သုးရ့ၣ်ဒီဖုညါ အဂီၢ်လီၤ.
