ကတိၤ ၁၂း၁၀, ပှၤတီပှၤလိၤ ပာ်ကဲ အဆၣ်ဖိကီၢ်ဖိ အသးသမူလီၤ.
ကသ့ၣ်ဃဲၤသံတဒု ဟဲဘူးဝဲလၢ ကီၤလၤတဂၤ အကသ့ၣ်ဂၢၤဒီး ကွၢ်နုာ်တၢ်ဆူ ဂၢၤပူၤလီၤ. တၢ်ဂိၢ်အဃိ ကနိးဝဲ ဒီးဖျါလၢ အအဲၣ်ဒိး အီၣ်နီၣ်လၢ ကသ့ၣ်အဆၣ် ကျီးပူၤန့ၣ်လီၤ. ဂၢၤကစၢ် လၢအမ့ၢ်ဝဲ ဟၢးဒ်စၢၣ် (Hudson) န့ၣ်သါ ကဟီဟးကွံာ် ကသ့ၣ်အံၤဘၣ်ဆၣ် အဖိမုၣ် ဖိလ့လယဲန် (Lillian) တဲအပၢ်လၢ အသု တနီၣ်ဟးကွံာ် ကသ့ၣ်န့ၣ် တဂ့ၤလီၤ. ဖျါလၢ တၢ်သၣ်ဝံၤအသးဒိၣ်မး လီၤ. ကသ့ၣ်အံၤ တၢ်ပျဲနုာ်အီၤ လၢဂၢၤပူၤ, အီၣ်ဘၣ်အဆၣ် လၢအီၣ်လၢအီ ဒီးအိၣ်ဘၣ် လၢၤပုးြတုးလၢ ဂၢၤပူၤလီၤ. လ့လယဲန် ပာ်ဝဲလၢ ကသ့ၣ်အံၤ မ့ၢ်အတၢ်, ကွၢ်ဝဲဂ့ၤဂ့ၤ ဒီးဒိးဝဲ အပိျၢ်ခိၣ် ခဲအံၤခဲအံၤ လီၤ. ကိးန့ၢ်ဝဲကသ့ၣ်အံၤ အမံၤလၢ ရဲးကလၢၣ် (Raggles) လီၤ. တၢ်အိးထီၣ်ကၠိသီတဖျၢၣ်, စီၤစုၤဝဲ ခံမံးလာ်လီၤ. လ့လယဲန် လၢအသးအိၣ် ၁၁ နံၣ်အံၤ, လဲၤဒိးကသ့ၣ်အံၤ ဆူကၠိလီၤ. တုၤအတုၤလၢ ကၠိဒီး ဝံဝးကသ့ၣ်အပျံၤ လၢအပျိၢ်ခိၣ် ဒီး ပျဲက့ၤ ကသ့ၣ်လီၤ. တုၤအက့ၤတုၤ လၢဟံၣ်န့ၣ် အမိၢ်ထုးလီၤကွံာ် ဂီၤကၢ်လၢအလိၤ ဒီးပျဲလီၤအီၤလၢ ကလဲၤအီၣ် အဆၣ်လီၤ.
ရဲးကလၢၣ် တဘျီအံၤဘီၣ်ထီၣ်, အဆူၣ်သူဘျ့ကြတ့ၣ် ဒီးအသးခုလၢ အဆှၢ ဘၣ်အကစၢ်မုၣ် လၢကၠိ န့ၣ်လီၤ. ဘၣ်တနံၤ မူခိၣ်ဖီလီၤ, ဟဲဃုာ်ဒီး ကလံၤလၢအခုၣ်ဒိၣ်ဒိၣ်ကလဲာ် ဒီးဘူးထီၣ် လၢလ့လယဲန် အမိၢ် ကဘၣ်ဂီၤကၢ်ထီၣ်ကသ့ၣ် လၢအကလဲၤတီၣ်က့ၤ အကစၢ်မုၣ် အဂီၢ်န့ၣ်လီၤ. ကလံၤမုၢ်လီၤဝဲ အူသလၣ် လီၤမူခိၣ်ဖီ အဖီကိၢ်လိၣ်တဖၣ် ဒီး တၢ်ဂိၢ်တုၤဒၣ်လဲာ် ဆၣ်ဖိကီၢ်ဖိလၢ အကထိတဖၣ် သံဝဲဒီး ပှၤကညီ စ့ၢ်ကီး သံဝဲအါဂၤလီၤ. မိၢ်အံၤ အသးအုးဝဲလၢ အကဂီၤကၢ် ထီၣ်ကသ့ၣ်လီၤ. လၢအသးပူၤ ဆိကမိၣ်ဝဲလၢ ကသ့ၣ်လဲၤကသ့ စ့ၢ်ကီးဧါ. မ့ၢ်တမၢကသ့ၣ် လဲၤတၢ်ဘၣ်ဒီး ဖိမုၣ် လ့လယဲန် တၢ်ကဂိၢ်သံအသး လၢကၠိလီၤ. အပၢ်တဂၤ ဆါဝဲ ဂဲၤထၢၣ်တန့ၢ်ဘၣ်. ပှၤဂၤ တအိၣ်လၢ အကမၢဝဲဘၣ်. မၤဝဲကျဲ အဂၤတသ့ လၢၤဘၣ်. အဃိ မိၢ်အံၤ ဂီၤကၢ်ထီၣ်ကသ့ၣ်, တီၣ်ထီၣ်ဝဲ တၢ်ကူတၢ်သိး အလၢၤဒီး, ဘိၣ်ဘၢဃာ် အီၤလၢ တၢ်ခီလၢ ထံနုာ်ဖျိအီၤ တသ့ဘၣ်န့ၣ်လီၤ. မိၢ်အံၤ ကတိၤတၢ်ဒီး ကသ့ၣ်ဒီးစံးဝဲ, ရဲးကလၢၣ်ဧၢ, လဲၤတီက့ၤ လ့လယဲန် ဒီးဟဲက့ၤဂ့ၤဂ့ၤ ဒီးဆှၢက့ၤ လ့လယဲန် တုၤအတုၤလၢ ဟံၣ်တက့ၢ်. ကသ့ၣ်လဲၤဝဲဒ် အနၢ်ပၢၢ် တၢ်မၤလိာ်အီၤခဲလၢာ် န့ၣ်လီၤ. လၢခံနၣ်ရံၣ် အတီၢ်ပူၤ မိၢ်ပၢ်ခံဂၤ အံၤ အိၣ်လၢတၢ်ဘၣ်ယိၣ် တၢ်လၢ အဖိအဂီၢ် ဒီးဘါထုကဖၣ် တၢ်လီၤ. ရဲးကလၢၣ်ဟဲက့ၤတုၤဒီး, လ့လယဲန် ဘိၣ်ဘံအသး လၢတၢ်ကူတၢ်ကၤ အလၢၤ လၢအမိၢ် ဆှၢလီၤန့ၣ်အီၤဒီး တုၤက့ၤလၢ ဟံၣ်လၢၤပုးြတုးန့ၣ်လီၤ. အဝဲသ့ၣ်စံးဘျုး ယွၤလီၤ. ဆၣ်ဖိ ကီၢ်ဖိလၢ အဘၣ်ဘျုးလၢ ပှၤကညီ တဖၣ်သးအိၣ် မၤဘျုးဆၢ ပှၤကညီဖဲ အသ့န့ၣ်လီၤ.
