အ့း ၄း၂၈, ပှၤလၢအဟုၣ်တၢ်, မ်အသုတဟုၣ်လၢၤတၢ်တဂ့ၤ.
တၢ်အိၣ်ဖှိၣ်သးပှၢ် တဂၤ သဆၣ်ထီၣ်ပှၤခံ လၢတၢ်ဘါတဘျီအပူၤ, ဖးထီၣ်ဝဲ, မၤတၢ် ၁၆း၃၀, ဒ်သိး ယကတုၤလၢ တၢ်အုၣ်က့ၤခီၣ်က့ၤယၤဒီး ယဘၣ်မၤမနုၤလဲၣ်. ကတိၤဝဲ ကျၢၤသူၣ်ကျၢၤသးဒီး စံးဝဲ ယဘၣ်မၤ မနုၤလဲၣ်. လၢတၢ်လီၢ်ခံ ပှၤတဂၤ စံးဆၢအီၤ, နကဘၣ်မၤဒ်အံၤ က့ၤဆူဟံၣ်ဒီး ဟ့ၣ်ကၠီဝ့လယၢၣ် ကျီၢ်ခံဒု အပှ့ၤ လၢနဟံးန့ၢ် လၢအအိၣ်လၢအပူၤကွံာ် ၆ လါန့ၣ်တက့ၢ်. ပတဟ့ၣ်ပကမၢ်ဘၣ်န့ၣ်, မ့ၢ်တၢ်ဟုၣ်တကလုာ် ကီးလီၤ. ပဝဲအါဂၤ ပအိၣ်ဒီး ပကၠီဝ့လယၢၣ်လၢ ပကဘၣ်ဟ့ၣ် ပကမၢ်လၢအီၤလီၤ.
ဖိသၣ် ကၠ့မ့ၣ် ဒီး အသကိးဖံထၢၣ် ဖဲအဟးလိာ်ကွဲ အခါ ထံၣ်ဝဲပှၤဆါ သ့ၣ်ခၠဲရ့ၣ် အသၣ်လၢ အသၣ် သွါမး န့ၣ်လီၤ. ဖဲအကစၢ် က့ၤနုာ်လၢဒၢးအခါ အဝဲသ့ၣ် ဟံးအီၣ်ဝဲ တဂၤလွံၢ်ဖျၢၣ်လီၤ. အကစၢ်ကိးထီၣ်ဝဲ အီၣ်ယ သ့ၣ်သၣ်တဖၣ် တဂ့ၤ. ယကကိးပလံးလီၤ. ကၠ့မ့ၣ် စံးဝဲ သါအီၣ်သ့ၣ်သၣ်တဝံၣ်ဘၣ်. ဒီးသါစူးကွံာ် အီၤလီၤ. လၢဃုလါအတီၢ်ပူၤ သါခီၣ်ရှ့ၣ် (ပသး) သိၣ်ဃီၣ်သါလီၤ. ဘၣ်တနၤ သါမံမီၢ် လၢသါလဲၤတုၤ လၢ ယရူၤရှလ့ၣ် အပဲြတီခီၣ်ထံး ဒီးခရံာ်တဲဘၣ်သါလၢ သါလဲၤနုာ် တသ့ဘၣ်. မ့ၢ်လၢ သါမၤကမၣ် တၢ်မၤလိာ် တဘီလၢ အစံးဝဲ, ဟုၣ်တၢ်တဂ့ၤ န့ၣ်အဃိ လီၤ. ယံာ်ထဲစှၤသီ ဖံထၢၣ်အမိၢ် ဟဲအိၣ်သကိး ကၠ့မ့ၣ် အမိၢ်ကတိၤ တၢ်လီၤအုလီၤအဲၣ်လီၤ. ဖံထၢၣ် အမိၢ်တဲဝဲ, သါသးခုမးလၢ သါဖိခွါဖံထၢၣ် ပာ်ဖျါထီၣ် အတၢ်ကမၣ် တဖၣ် ပၢၢ်လၢ အအီၣ်ဟုၣ်ခၠဲၣ်ရ့ၣ် သၣ်လွံၢ်ဖျၢၣ် န့ၣ်လီၤ. ဖံထၢၣ် တယၢၤထီၣ် ကၠ့မ့ၣ်ဘၣ်. ဘၣ်ဆၣ် ကၠ့မ့ၣ် ဒုးလိာ်အသးဒီး အခီၣ်ရှ့ၣ် လၢတဘျုးနၣ်ရံၣ် အတီၢ်ပူၤ, ဒီးလၢခံကတၢၢ် တဲဘၣ်အမိၢ်လၢ ဖံထၢၣ် တအီၣ်ဟုၣ် ခၠဲရ့ၣ် သၣ်ထဲတဂၤဧိၤဘၣ်. သါအီၣ်ဟုၣ် လၢအသကိး လွံၢ်ဖျၢၣ် စ့ၢ်ကီးလီၤ. ကၠ့မ့ၣ် အမိၢ် ဖိးဟုအီၤ ,တဲအီၤလၢ အသးခုလၢ အဖိပီၢ်ယၢ်လီၤက့ၤအသး အဃိ န့ၣ်လီၤ. မုၢ်ဆ့ၣ်ထီၣ် ဒီးအဝဲသ့ၣ် လဲၤဟ့ၣ်က့ၤ ခၠဲရ့ၣ်သၣ်အပှ့ၤလီၤ. ကၠ့မ့ၣ် ဘါထုကဖၣ်တၢ် အသးမံ သးမုာ်လီၤ.
