ကတိၤ ၁၅း၁, စံးဆၢတၢ်မုာ်မုာ်န့ၣ် ဘိးဃၣ်ကွံာ်တၢ်သးထီၣ်လီၤ.
လၢကၠိတဖျၢၣ်အပူၤ သရၣ်လၢအအိၣ်ဒီး တၢ်ပာ်ကဖၢလၢအသးတဂၤန့ၣ်, ဆိကမိၣ်ဝဲလၢ ပှၤကၠိဖိတဖၣ် တပာ်ကဲအီၤဘၣ်. ဒီးဆိကမိၣ်စ့ၢ်ကီးဝဲလၢ ဒ်သရၣ်တဂၤအသိး ကၠိတဟ့ၣ်အီၤတၢ် အခွဲးအယာ် လၢအဝဲ ြကၢးဒိးန့ၢ်ဝဲ တဖၣ်န့ၣ်ဘၣ်. လၢတၢ်သးဒိၣ် အပူၤလဲၤနုာ်ဝဲဆူ ပှၤပၢၤကၠိ အဝဲၤဒၢးဒီး လၢတၢ်ကလုၢ် ဒိၣ်ကထါသွါအပူၤ စံးဝဲလၢ ပှၤကၠိဖိတဖၣ် တပာ်ကဲအီၤဘၣ်. ကၠိခိၣ်ဒီး သရၣ်တဖၣ် ကွၢ်တလီၤသါ, တဟ့ၣ်သါ တၢ်ယူးယီၣ် ဒ်သါြကၢး န့ၢ်ဘၣ် ဝဲဘၣ်. ဒီးတီၢ်လီၤ စီၢ်နီၤခိၣ်လၢ အစုခိၣ်လီၤ. ပှၤပၢၤကၠိတကတိၤ ဆၢအီၤ တၢ်ကတိၤလၢ အဆူၣ်အကိၤဘၣ်. မ့မ့ၢ်တခီ တဲအီၤလၢအကဆ့ၣ်နီၤ, ဒီးမၢပှၤဟဲစိာ်န့ၢ်အီၤ လံာ်ဒီး သံကွၢ်သရၣ်န့ၣ်တၢ် လၢအအဲၣ်ဒိးဝဲလၢ တၢ်ကဘှီဘၣ်အီၤ ဖဲလဲၣ်န့ၣ်လီၤ. သရၣ်အံၤ အတၢ်ကတိၤတဆှိၣ် လၢၤဘၣ်. ဖျါလၢအမဲာ်ဆှးလီၤအသးလီၤ.
တဘျီပှၤကွဲးလံာ် (ပှၤကွဲးကိၣ်မၤနၤတဂၤအံၤ) လၢအတၢ်လဲၤတဘျီအပူၤ ဘၣ်တဟါ အလဲၤတုၤလၢ သဝီ တဖျၢၣ်အပူၤဘူး တၢ်ကခံးလီၤအကတီၢ်လီၤ. သဝီအံၤအမံၤမ့ၢ်ဝဲ ဘီသ့ၣ်ခံလီၤ. အဝဲသံကွၢ် မ့ၢ်သးပှၢ် စီၣ်ဘွါ အိၣ်ဖဲအံၤဧါ. ပှၤတဲဆၢအီၤ လၢ အဝဲအိၣ်လၢသဝီလာ်ခီ တဖျၢၣ်လီၤ. အဝဲသ့ၣ်လဲၤတသ့တကဲ လၢၤဘၣ်. ပှၤသးပှၢ်စိာ်ဒီး အလံၤဖိတဂၤ အဒဲဘူးဒီး အဝဲသ့ၣ် ဒီး အဝဲသံကွၢ်အီၤ စကီၤအဟံၣ်အိၣ်ဖဲလဲၣ်. တဲဆၢအီၤလၢ မ့ၢ်အသံကွၢ်အီၤ စကီၤဘၣ်မနုၤလဲၣ်. အဝဲတဲက့ၤအီၤလၢ အမ့ၢ်ပှၤတမှံၤ ဒီး အဟဲတုၤလၢအသဝီအဃိ ကမၢစကီၤဒုးနဲၣ်အီၤလၢ ဟံၣ်လၢ အမံအိၣ်ဘှံး ကသ့အဂီၢ်လီၤ. လီၤဂာ်ဒ် အဝဲမၤသးဒိၣ် ပှၤသးပှၢ်အံၤအသိးလီၤ. စံးဝဲ, သုဟးသုတကွၢ်မုၢ်ကွၢ်လါ, သုသံကွၢ်လၢစကီၤအိၣ်ဖဲလဲၣ်, သုဟး ဒိးကဆီ သုမံလၢသ့ၣ်ခီၣ်ထံး၀ၣ်ခီၣ်ထံး သ့ဝဲ, သံကွၢ်စကီၤတဂ့ၤ, ထီၣ်မံလၢဟံၣ်လၢဃီတဂ့ၤ. အဝဲတဲဆၢကဒါက့ၤအီၤ, တလိၣ်ကီးဘၣ်, သါကမံလၢသ့ၣ်ခီၣ်ထံးလီၤ. ဒီးအဝဲမၢကဆီကွါပာ်လီၤဂီၤကၢ် ကစိာ်လီၤ အတၢ်ဖိတၢ်လံၤ ဒီး အဝဲသ့ၣ်ကျဲၤလီၤ လၢကမံအဂီၢ်လီၤ. ပှၤသဝီဖိသးစၢ်တဂၤ ဟဲဃီၤဆူအအိၣ်ဒီး တဲဝဲ, သရၣ်ဒိၣ်ဧၢ, ဟဲမံလၢယသၣ်လၢ် အပူၤတက့ၢ်. ယမၢပှၤခွဲသိၣ်ခွဲပျီလံ. အဝဲစံးဘျုးအီၤဒီးလဲၤပိာ်အခံ ဒီးတူၢ်လိာ်မုၣ်အဝဲသ့ၣ် ဂ့ၤဂ့ၤ, အဝဲတသ့ၣ်ညါ သးစၢ်အံၤနာ်က့ သးစၢ်အံၤ သ့ၣ်ညါအီၤလီၤ. တဟါန့ၣ်, ပှၤဒီသဝီ ဟဲအိၣ်သကိးအီၤလီၤ. မ့မ့ၢ်သးပှၢ်လၢ အကတိၤတၢ်ဒီးအီၤြပီြပီ တဂၤ တဟဲပၢၢ်ထီၣ်ဘၣ်. လီၤဂာ်အဖိအလံၤ ကဒူအလိၤလီၤ. လၢဂီၤ ဟဲကတိၤစိတၢ်တဲဝဲ, ယဲယကတိၤတၢ်ဒ်န့ၣ်လီၤ. ယကလဲၤနဲၣ်နၤ ကျဲဆူ စီၣ်ဘွါ အအသဝီလီၤ. ဒီးလဲၤဝဲ ဒီးအဝဲစံးဘျုး သးပှၢ်အံၤလီၤ. ပှၤခရံာ်ဖိြကၢးကတိၤတၢ်လၢ အမုာ်လီၤ.
