ရိမ့ၤ ၈း၃၇, မ့မ့ၢ်လၢတၢ်န့ၣ်တဖၣ်ခဲလၢာ်အပူၤ, ပမ့ၢ်ပှၤလၢအမၤနၢၤတၢ် လၢလၢပှဲၤပှဲၤ, လၢပှၤလၢအအဲၣ်ပှၤ အဃိလီၤ.
စီၤပီလူးသ့ၣ်ညါဝဲဂ့ၤဂ့ၤကလဲာ် ဘၣ်ဃးတၢ်မၤနၢၤခီဖျိ တၢ်တူၢ်တၢ်နးတၢ်ဖှီၣ် န့ၣ်လီၤ. လၢအခီၣ်ထံး အဝဲနာ်လီၤန့ၢ်အသး, ပာ်ကဖၢလၢအသးလၢ ပှၤဧ့ၤြဘံၤဖိ အတၢ်န့ၢ်သါအဃိလီၤ. ဘၣ်ဆၣ်လၢ ဒၤမ့ၤစ့း အကျဲခိၣ်န့ၣ်, တၢ်န့ၢ်တဖၣ်ခဲလၢာ် လဲလိာ်က့ၤအသးလီၤ. ခရံာ်တဲဘၣ်အီၤလၢ အဝဲကဘၣ်တူၢ်တၢ် နးတၢ်ဖှီၣ် လၢအဂီၢ်န့ၣ်လီၤ. တၢ်တူၢ်ဘၣ်ခီၣ်ဘၣ် ဟဲလၢအဂီၢ်ဒ်လဲၣ် နာ်သက့ အဝဲမ့ၢ်ပှၤလၢ အမၤနၢၤတၢ် လၢလၢပှဲၤပှဲၤ, အါန့ၢ်ဒံးပှၤလၢ မၤနၢၤတၢ်ယိယိတဂၤ, ခီဖျိခရံာ်အတၢ်မၤစၢၤအဃိလီၤ. တၢ်မၤအၢမၤသီ အီၤဆံးအါနာ်သက့, အသးတဟးဂီၤဘၣ်. ခရံာ်အိၣ်လၢအကပၤလီၤ. အသးမုာ်အသးခုဝဲ မ့ၢ်လၢ ခရံာ်ဒုးနၢ်ပၢၢ်လံအီၤလၢ အဝဲြကၢးဒီး တၢ်တူၢ်ဘၣ်ခီၣ်ဘၣ် တၢ်လၢအဂီၢ်အဃိလီၤ. တၢ်သၣ်ဝံၤအသးနာ်သက့, ဘၣ်တၢ်လုၢ်အီၣ်အီၤလၢ ကိၣ်မူလၢမူခိၣ်န့ၣ်လီၤ. တၢ်တီၢ်အီၤဝ့ၤအီၤ, အိၣ်ဘ့ၣ်ဆ့ဘၣ်ဝဲ နာ်သက့ ကူဘၣ်သိးဘၣ် ခရံာ်အတၢ်တီတၢ်လိၤန့ၣ်လီၤ. အါဘျီဘူးလၢ အသး သမူကလီၤမၢ်တ့ၢ်လီၤ. ဘၣ်ဆၣ်သ့ၣ်ညါ ဝဲလၢ ခရံာ်ပှ့ၤန့ၢ်အီၤသးသမူ အထူအယိာ်လၢ ထူၣ်စုညါ အလိၤန့ၣ်လံလီၤ. အသးမံလၢ တၢ်ကိးမံၤအပူၤ လီၤ.
တၢ်မၤနၢၤဒိၣ်န့ၢ်အါန့ၢ် တၢ်မၤနၢၤယိယိမ့ၢ် တၢ်မနုၤလဲၣ်. ကွၢ်မၤလိ စီၤရှံၣ်ရှိၣ် အဂ့ၢ်တစဲးတက့ၢ်. စီၤရှံၣ်ရှိၣ် မၤသံခ့ယုၢ် တဒုလၢ အသါကအ့ၣ်ဖှီအီၤန့ၣ်လီၤ. လီၢ်ခံလဲၤဘၣ်က့ၤ တၢ်လီၢ်န့ၣ်ဒီးထံၣ် ဝဲလၢကွဲ တဒၢ မၤအစီလၢခ့ယုၢ် အစိာ်ပူၤဒီး အီၣ်ဘၣ်ဝဲကွဲစီလီၤ. အဝဲမၤနၢၤခ့ယုၢ် တကးဘၣ် အါန့ၢ်တၢ်မၤနၢၤ အီၣ်ဘၣ်ဝဲကနဲစီလီၤ. ကဘီခိၣ် နဲလ်စၢၣ်လၢ အမံၤဟူသၣ်ဖျါ တဲတၢ်ဘၣ်ဃး အတၢ်ဒုးနၢၤတၢ်လၢ ထံဖဲ ထံကျိ နံလၣ် (Nile) န့ၣ်စံးဝဲ, တၢ်ကတိၤတၢ်မၤနၢၤ န့ၣ် တဒိၣ်ဝဲလၢ အကတဲဖျါထီၣ် အတၢ်မၤနၢၤ ဘျီဖးဒိၣ် အဝဲန့ၣ်ဘၣ်. အခီပညီမ့ၢ်ဝဲ အတၢ်မၤနၢၤ န့ၣ်ဒိၣ်န့ၢ်အါန့ၢ် တၢ်မၤနၢၤယိယိ န့ၣ်လီၤ.
စီၤပီလူး ဒုးနၢၤနီၢ်သးအတၢ်ဒုး တဖၣ်လၢ ပှၤလၢအပှ့ၤက့ၤအီၤ အစိကမီၤအဃိ ဒီးမ့ၢ်ဝဲ တၢ်မၤနၢၤ လၢလၢပှဲၤပှဲၤ အါန့ၢ်တၢ်မၤနၢၤ ယိယိန့ၣ်လီၤ. လၢသါဂီၢ်န့ၣ် တၢ်ကတိၤ အလၢအပှဲၤ တအိၣ်ဝဲလၢ အကပာ် ဖျါထီၣ် သါတၢ်မၤနၢၤအံၤ အဂ့ၢ်ဘၣ်.
