ကတိၤဒိ ၂၈း၁၃, ပှၤလၢအကျၢၢ်ဘၢအတၢ်သရူးကမၣ်န့ၣ်, တဘီၣ်ထီၣ်တညီထီၣ်ဘၣ်ဘၣ်. မ့မ့ၢ်ပှၤလၢ အတဲလီၤကျဲၤလီၤ ဒီးညိကွံာ်ဝဲန့ၣ်, ကဒိးတၢ်သးကညီၤလီၤ.
ပဝဲကိးဂၤ ပတဲလၢတၢ်ကမၣ်လၢ ပမၤမ့ၢ်ဝဲ တၢ်လၢအဘၣ်လီၤ. ပှၤမ့ၢ်ပာ်တၢ်ကမၣ်လၢ ပသကဲာ်ပဝး တမံၤမံၤအဖီခိၣ်ဒီး ကစံးလၢတၢ်ဒ်အံၤဒ်နုၤအဃိ ပမၤအီၤ, မ့တမ့ၢ်ပဖၢဘၢအီၤဒ် ပှၤဖၣ်ရံၤရှဲအတၢ်တီတၢ်လိၤ အသိးန့ၣ်လီၤ. ပကတိၤအိၣ်ပှိၤလီၤပသး ဒ်ပှၤဂၤလၢ အမၤတၢ်ဒဲးဘး တမံၤဃီ လၢပမၤအံၤ ဘၣ်တၢ် ပာ်အီၤဒ်အမ့ၢ် ပှၤလၢအပတီၢ်ထီဝဲလၢ အတၢ်အိၣ်ဖှိၣ်ဒၣ်ဝဲ အပူၤလီၤ.
ပှၤဂၤတဖၣ် အတၢ်မၤဒီး တၢ်သကဲာ်ပဝး တြကၢးမ့ၢ်ဘၣ်နီၣ်ထိၣ် လၢပကထိၣ်တၢ်အဘၣ်ဒီး တၢ်အတဘၣ် န့ၣ်ဘၣ်. ခရံာ်ပာ်လီၤန့ၢ်ပှၤ အနီၣ်ထိၣ်ဘၣ်ဃး တၢ်အဘၣ်ဒီး တဘၣ်ဘၣ်လၢ အကစၢ်ဒၣ်ဝဲ အတၢ်မၤန့ၣ်လီၤ. ပြကၢးအိၣ်ဒီး တၢ်သးဘျၢတၢ်သးတီဖဲ ပထိၣ်ကွၢ်ပှၤဂၤ အသကဲာ်ပဝးန့ၣ်လီၤ.
ပှၤကၠိဖိမုၣ်လွံၢ်ဂၤ ဖဲအကနုာ်လီၤတၢ်ဒိးစဲးအခါ လဲၤအိးထီၣ်ခူသူၣ်အသရၣ် အတလါဖိလၢ တီၤပူၤဒီး ကွဲးကူဝဲ တၢ်စံးဆၢတဖၣ်လၢ တၢ်ကသံကွၢ်ဝဲန့ၣ်လီၤ. အဝဲသ့ၣ်တဖၣ် ကွဲးကူပာ်လံ တၢ်သံကွၢ်တဖၣ် န့ၣ်လီၤ. တၢ်ဒိးစဲးဝံၤဒီး အစၢဖျါထီၣ်ဝဲလၢ အဝဲသ့ၣ်ဖျိဝဲဂ့ၤဂ့ၤ ကိးဂၤန့ၣ်လီၤ. လၢတဘျုးနံၣ်အတီၢ်ပူၤ ပိာ်မုၣ်ဖိ အကျါတဂၤ အသးသိၣ်ဃီၣ်အီၤလၢ အတၢ်မၤအံၤတတီဘၣ်လီၤ. တုၤအဝဲအိၣ်တသ့လၢၤဘၣ်ဒီး ကွဲးတဲဘၣ် အသရၣ်လၢ အတၢ်မၤတတီဘၣ်အံၤဒီး ဃ့ကညးအီၤလၢ အကပျၢ်အတၢ်ကမၣ်လီၤ. အသရၣ်တဲ အီၤလၢ အကွၢ်လၢ်အဝဲ အတၢ်ပီၢ်ယၢ်လီၤအသးအံၤယံာ်လံ. မ့ၢ်လၢ အသကိးသၢဂၤ ဟဲတဲဖျါထီၣ်အတၢ် ကမၣ်လၢအီၤ ယံာ်ထီၣ်လံန့ၣ်လီၤ. ဒီးအသရၣ်ပျၢ်အတၢ်ကမၣ်လီၤ. ခရံာ်သ့ၣ်ညါ ပတၢ်ကမၣ်ခဲလၢာ်လီၤ. လိၣ်ဒၣ်ပကတဲဘၣ်အီၤန့ၣ်လီၤ.
