စံး ၁၂၅း၄, ယွၤဧၢ မၤဂ့ၤပှၤအဂ့ၤအဝါ ဒီးအသးစၢၢ်ဆၢ တက့ၢ်.
လ့ၣ်မ့ၣ်အူတဆိ ကဘၣ်လဲၤဆှၢပှၤလၢ အကလဲၤဆူ ခဝ့ရှၢၣ် လၢအလီၤဘၣ်လၢ ဝ့ၢ်စ့ၣ်လူအံး န့ၣ်လီၤ. လ့ၣ်ဒၢး ၇ ဒၢး လၢပှၤမံသ့ဝဲအလီၢ်, လ့ၣ်ဒၢး လၢပှၤကဒိး ဆ့ၣ်နီၤအဂီၢ်, ဒီးကတီၣ်တၢ်ပဒၢး အဂီၢ်လီၤ. ဖီလ်, ပှၤလၢ အနီၣ်လ့ၣ်မ့ၣ်အူ, ဒီး ကၠ့မ် ပှၤကွၢ်ထွဲ စဲးခိၣ်အမ့ၣ်အူ န့ၣ်, မ့ၢ်ပှၤလၢ အအဲၣ်ယွၤ ခံဂၤလၢာ် လီၤ. ဖီလ်တဲကၠ့မ်လၢ ပြကၢးဘါထုကဖၣ် ဒီးဃ့တၢ်လၢယွၤ တချုး လၢပဟးထီၣ်ဒံးဘၣ် န့ၣ်လီၤ. အဝဲသ့ၣ်တီၤလီၤ ခီၣ်လ့ၢ်ခိၣ် ဒီးဘါထုကဖၣ် တၢ်ဒီး အးလီၤအသး လၢယွၤအစုပူၤ ဝံၤဒီး စးထီၣ်ဒုးလဲၤ လ့ၣ်မ့ၣ် အူလီၤ.
လဲၤတၢ်ဒီနၤ, ဘူးမုၢ်ကဆ့ၣ်ထီၣ် န့ၣ်ဖီလ် ထံၣ်ပှၤဟဲဃ့ၢ်ဃီၤ ဘူးဒီး လ့ၣ်မ့ၣ်အူ တဂၤ, ဝံၢ်၀ၢ်အစု သပှၢ်ပှၢ် န့ၣ်လီၤ. ဒုးအိၣ်ကတီၢ် အလ့ၣ်မ့ၣ်အူဒီး ပှၤန့ၣ်တဲဘၣ် အီၤလၢ လ့ၣ်မ့ၣ်အူကျဲ အထးတဘိ ကၢ်ဝဲ ဖဲ လ့ၣ်မ့ၣ်အူ အခိၣ် အမဲာ်ညါလီၤ. ဒီးလဲၤဒုးနဲၣ်အီၤလီၤ. ဖီလ်စံးထီၣ်ဖျဲးဝဲ လၢ အစံးဘျုးကစၢ်အလီၢ် အိၣ်ဝဲလီၤ. အဝဲဃ့ဘါထုကဖၣ် ယွၤလၢ အကအံးထီၣ်ကွၢ်လီၤအီၤ လၢအတၢ်လဲၤ တဘျီအံၤ လီၤ. ဒီးသံကွၢ် ပှၤလၢအဟဲဟ့ၣ် တၢ်ကစီၣ်တဂၤန့ၣ်လၢ တၢ်မနုၤ ဟ့ၣ်ပလီၢ်အီၤ လၢအကဟဲ ကွၢ်တၢ်လီၢ်အံၤ ဖဲတၢ်ဆၢ ကတီၢ် ဂီၤဂီၤ အံၤန့ၣ်လဲၣ်.
ပှၤထူစံၣ်ဖိ စံးဆၢဝဲလၢ တဂီၤအံၤန့ၣ် အဝဲသ့ၣ် မံပၢၢ်ထီၣ်ဂီၤ န့ၢ်အညီနုၢ်, ဒီးဖဲအဝဲသ့ၣ် အီၣ်ဂီၤ အတၢ်အီၣ်အခါ တၢ်ကလုၢ်တခါသီၣ်ထီၣ်ဝဲ, “လဲၤဆူလ့ၣ်မ့ၣ်အူကျဲ တက့ၢ်.” ဝံၤဒီး သီၣ်ထီၣ် ကဒီးဝဲလီၤတံၢ် သပှၢ်ပှၢ်န့ၢ် အလီၢ်, “လဲၤတဘျီဃီဆူ လ့ၣ်မ့ၣ်အူအကျဲ တက့ၢ်.” သါဟဲဒီး သါထံၣ်ဘၣ်တၢ်အံၤ ဒီးသါဝံၢ်၀ၢ် သါစု လၢကဒုးအိၣ်ကတီၢ် လ့ၣ်မ့ၣ်အူ အဂီၢ်လီၤ. အဝဲဒုးအိၣ်ကတီၢ် လ့ၣ်မ့ၣ်အူအံၤ မ့ၢ်စဲၤခံထဲ တမံးနံးဒီး သးသမူလၢ အကယၤတဖၣ် ကလီၤမၢ်ဝဲလီၤ.
ပှၤလၢအခိး တၢ်လၢလ့ၣ်မ့ၣ်အူ အခံလၢ အတနာ်ယွၤတဂၤ, တဲထီၣ်ဖျဲးဝဲ တၢ်ပူၤဖျဲးလၢ တၢ်ဘၣ်ဒိဘၣ်ထံး ဒီးတၢ်သံတၢ်ပှၢ် တဘျီအံၤ လီၤလး မးလီၤ. ပှၤဒိးလ့ၣ်မ့ၣ်အူခဲလၢာ် ကမၢကမၣ် ဝဲဖဲ အသ့ၣ်ညါ ဘၣ်တၢ်အံၤ ဒီး စံးဘျုး ပှၤထူစံာ်ဖိအံၤ လၢာ်သးဒီး မၤဘျုးအီၤလီၤ. လီၢ်ခံ ခံနံၤန့ၣ် ဖျါထီၣ်ဝဲလၢ လ့ၣ်မ့ၣ်အူ လၢအလဲၤလၢ လ့ၣ်မ့ၣ်အူအံၤ အမဲာ်ညါတဆိ ဖဲ အလဲၤကျဲတီၤအံၤ ကျဲအထးဘိ ကၢ်ဝဲဒီး ဆှၢတၢ်ကစီၣ် အံၤဆူ လ့ၣ်မ့ၣ်အူ သန့လၢ အဘူးတဖၣ် အအိၣ်န့ၣ်လီၤ. ဘၣ်ဆၣ် တၢ်ကစီၣ် လၢလီပျံၤဆှၢဝဲ တတုၤဘၣ်န့ၣ်, တၢ်ထုကဖၣ်ဆှၢဝဲ တုၤလီၤ. ပှၤနီၣ်လ့ၣ်မ့ၣ်အူဒီး ပှၤကွၢ်မ့ၣ်အူဖိ ခံဂၤ လၢာ်မ့ၢ်ပှၤဂ့ၤ ပှၤဝါဒီး ယွၤမၤဂ့ၤအီၤလီၤ.
